Apple kynnir 93 þúsund króna heyrnatól

Hallgerður Kolbrún E. Jónsdóttir skrifar 8. desember 2020 17:32

Nýju heyrnatólin kosta 549 pund, eða um 93 þúsund krónur. Apple

Apple kynnti í dag fyrstu heyrnatólin frá fyrirtækinu sem ekki fara inn í eyrun heldur yfir þau. Heyrnatólin verða hljóðeinangruð og þráðlaus og bera heitið AirPods Max. Verð heyrnatólanna hefur vakið nokkra athygli en þau munu kosta 549 pund, eða um 93 þúsund íslenskar krónur.

Samkvæmt kynningunni á heyrnatólunum munu allir bestu eiginleikar AirPods Pro heyrnatólanna verða hluti af þeim nýju en hægt verður að tengja heyrnatólin við önnur tæki með Bluetooth tengingu. Þetta kemur fram hjá The Guardian.

Að sögn Greg Joswiak, markaðsstjóra Apple, munu hljóðgæði heyrnatólanna verða mjög góð og einstök hönnun þeirra gera upplifun notenda þeirra frábæra. Þá verður hægt að nota heyrnatólin í 20 klukkustundir áður en þau þarf að hlaða.

Til þess að hægt sé að nota heyrnatólin þurfa eigendur þeirra að eiga Apple tæki af gerðinni iOS 14.3, iPadOS 14.3 eða MacOS 11 Big Sur eða nýrri tæki. Hægt er að kynna sér þau nánar á heimasíðu Apple.

Netverjar hafa margir gagnrýnt verð nýju heyrnatólanna og einhverjir bent á hve undarlega þau líta út þegar heyrnatólin eru í hulstrinu sem þeim fylgja.

And the the AirPurse, the smart case that holds your $550 AirPods Max. (Case is real and included. Name is not.) pic.twitter.com/SPccsyXdCv
— Joanna Stern (@JoannaStern) December 8, 2020

sorry apple, but the airpods max case looks weirdly like a bra pic.twitter.com/EbmuluaJ1T
— Katie Collins (@katiecollins) December 8, 2020

Tækni Apple

Tengdar fréttir

Öryggisstjóri Apple ákærður fyrir að reyna að múta lögreglu með iPad-tölvum

Thomas Moyer, alþjóðaöryggisstjóri hjá tæknifyrirtækinu Apple, hefur verið ákærður fyrir að hafa reynt að múta lögreglumönnum. Hann er sagður hafa boðið þeim hundruð iPad-spjaldtölva í skiptum fyrir að Apple-starfsmönnum yrði leyft að bera vopn.

24. nóvember 2020 22:09

Þrjár nýjar tölvur og nýir örgjörvar frá Apple

Tæknirisinn Apple opinberaði í gær nýjar tölvur, nýja örgjörva og nýtt stýrikerfi. Kynningin fór alfarið fram á netinu, eins og svo margt annað um þessar mundir.

11. nóvember 2020 12:39

iPhone 12 boðar nýja upplifun

Tæknilegasta og sterkasta kynslóð farsíma frá Apple er komin á markað, iPhone12. Hún boðar nýja tíma í allri notkun og upplifun notenda með tækni sem hefur ekki áður sést

23. október 2020 08:55

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.