Alþjóðasamtök gyðinga fordæma íslenska útgáfu nasistabókar Jakob Bjarnar skrifar 3. desember 2020 11:39 Menachem Z. Rosensaft telur tal Heiðars Inga Svanssonar hjá Fibut um tjáningarfrelsið ekki eiga við þegar bókin Tröllasaga tuttugustu aldarinnar er annars vegar. Um sé að ræða hatursorðræðu og hún eigi ekki að líðast. visir/vilhelm/Shahar Azran/Getty Samtökin World Jewish Congress fordæma íslenska útgáfu nasistabókarinnar Tröllasaga tuttugustu aldarinnar. Samtökin beina spjótum sínum að Fibut, að þeim beri skylda til að henda bókinni út úr Bókatíðindum því um sé að ræða hatursorðræðu. Menachem Z. Rosensaft er varaforseti og yfirlögfræðingur World Jewish Congress, en hann kennir lögfræði þjóðarmorða við lögfræðideildir háskólanna Columbia og Cornell, hefur ritað grein sem hann birtir á Vísi þar sem útgáfa bókarinnar Tröllasaga tuttugustu aldarinnar er fordæmt fortakslaust. Hann segir bókina meinfýsna og illgjarna bjögun á sannleika og beri að flokka sem hatursorðræðu. Væntanleg er á íslenskan markað, í sjálft jólabókaflóðið, bókin The Hoax of the Twentieth Century: The Case Against the Presumed Extermination of European Jewry“ eftir Arthur R. Butz, í íslenskri þýðingu. Bókin umdeilda eins og hún birtist í Bókatíðindum. Bókin er alræmd, kom út árið 1976 en þar er dregið í efa að helför nasista í seinni heimstyrjöldinni hafi átt sér stað. Í íslenskra þýðingu hefur bókin hlotið nafnið Tröllasaga tuttugustu aldarinnar. Meinfýsin og illgjörn bjögun á sannleika Bók Butz ætti án efa að flokkast sem ærumeiðandi tilraun til að breiða út boðskap gyðingahaturs, segir í grein Rosensaft. „Kynning og sala bókarinnar ætti því einnig að líta á sem tilraun til að breiða út boðskap gyðingahaturs og gengur þvert á lýðræðisleg gildi. Helförin er ekki getgáta heldur sagnfræðileg staðreynd. Helfararafneitun er ekki spurning um skoðanafrelsi heldur er það meinfýsin og illgjörn bjögun á sannleika og staðreyndum sem hafa ekkert með tjáningarfrelsi eða prentfrelsi að gera.“ Vísir fjallaði um bókina og þá gagnrýni sem fram kom að hana væri að finna í Bókatíðindum þar sem útgáfa jólabókanna er tíunduð. Ekki er miklar upplýsingar tiltækar þar, ekki kemur fram hver þýðir en þó að útgefandi sé Betaíota. Hins vegar eru engar upplýsingar aðgengilegar um það útgáfufélag. Eftir nokkrum krókaleiðum komst Vísir að því að þar að baki stendur fyrirtæki sem heitir Vallía sf. Sem svo tengist ferðaþjónustufyrirtækinu Valferðum hvar Björn Jónsson er í forsvari. Björn hefur ekki viljað tjá sig um málið. Heiðar Ingi Svansson formaður Fibut sagði í samtali við Vísi að Bókatíðindum væri ekki ritstýrt að neinu leyti eða ritskoðuð, um væri að ræða opinn að gang fyrir kynningarefni og það væri á ábyrgð þeirra sem keyptu sér pláss í Bókatíðindum. „Einn hornsteinn sem bókaútgáfa hér og annars staðar, grundvallast á er prent- og tjáningarfrelsi. Ég man ekki til þess, í áralangri sögu útgáfu Bókatíðinda, að kynning og efnistök þar hafi verið ritskoðað. Þetta hefur verið grundvallarforsenda,“ segir Heiðar Ingi sem leggur á það ríka áherslu að hann sé ekki að mæla þessu riti bót. Fíbút beri skylda til að lögmæta ekki efnislega andstyggð En Menachem Z. Rosensaft og þeim hjá World Jewish Congress telja þetta ekki gilda röksemdafærslu. Petra Kahn Nord er fulltrúi WJC í Svíþjóð. En þar hafa samtökin fylgst grannt með gangi mála á Íslandi hvað varðar útgáfu bókarinnar. Vísir hefur nú um hríð verið í sambandi við Petru Kahn Nord sem er formaður samtakanna í Svíþjóð. Þar hafa þau fylgst vel með gangi mála í því sem snýr að umræðu um bókina og þeim finnst niðurstaðan ekki ásættanleg. Þau vísa til almennra hegningarlaga á Íslandi, grein 233a: „Hver sem opinberlega hæðist að, rógber, smánar eða ógnar manni eða hópi manna með ummælum eða annars konar tjáningu […] skal sæta sektum eða fangelsi allt að 2 árum“. Greinin vísi ekki sérstaklega til helfararafneitunar en benda á að helfararafneitun er víða séð sem birtingarmynd gyðingahaturs. „Þó það sé ekki bannað samkvæmt lögum á Íslandi að gefa út efni með hatursorðræðu og skoðanamótun, hafa útgefendur Bókatíðinda siðferðislega skyldu til að hvorki lögmæta né gæða þau sjónarmið lífi sem koma fram í bókinni,“ segir í grein Menachem Z. Rosensaft. Þar kemur jafnframt fram að ekki skuli rugla tjáningarfrelsi saman við frelsi í almennum skilningi, „og því má ekki nýta tjáningarfrelsi sem rétt til að segja hvað sem er sem getur svert mannorð eða minningu fórnarlamba helfararinnar. Þessi bók er efnislega eins andstyggileg og gróft klám eða aðrar birtingarmyndir kynþáttarhaturs og ofstæki. Bókina ætti að fordæma og útskúfa sem ærumeiðandi hatursorðræðu í garð gyðinga.“ Bókaútgáfa Tjáningarfrelsi Tengdar fréttir Afneitun Helfararinnar er hættuleg samfélaginu Menachem Z. Rosensaft segir bókina Tröllasaga tuttugustu aldarinnar hreina og klára andstyggð, hatursáróður og Fíbút ætti að reisa skorður við slíku í Bókatíðindum. 3. desember 2020 11:26 Mest lesið „Eini rasisminn sem ég hef upplifað á Íslandi er frá lögreglunni“ Innlent Greindist með MND 27 ára: „Lífið er of stutt til að vera neikvæður“ Innlent Gámur á akrein hringtorgs í Hveragerði Innlent Hótar að svipta Rosie O'Donnell ríkisborgararétti Erlent Mörg hundruð börn hittist og drekki sig full í sumarpartýum Innlent Tókust á um veiðigjöld og þinglok Innlent Kallaði Kristrúnu „Trump okkar Íslendinga“ Innlent Velti bílnum út í sjó í Súgandafirði Innlent Flestir ánægðir með Kristrúnu en fæstir Ingu Innlent Maðurinn sem var stunginn í Mjóddinni liggur enn þungt haldinn Innlent Fleiri fréttir Fagna áttatíu ára afmæli millilandaflugs Íslendinga Mótmæla heimsókn Ursulu von der Leyen „Langþreytt á að það séu boðaðir fundir þegar eitthvað kemur upp á“ Leita logandi ljósi af nýju svæði undir kirkjugarð á Selfossi Greindist með MND 27 ára: „Lífið er of stutt til að vera neikvæður“ Barátta við illvígan sjúkdóm, furðuleg uppátæki fanga og svakalegar hitatölur Maðurinn sem var stunginn í Mjóddinni liggur enn þungt haldinn Gámurinn á bak og burt Velti bílnum út í sjó í Súgandafirði „Eini rasisminn sem ég hef upplifað á Íslandi er frá lögreglunni“ Tókust á um veiðigjöld og þinglok Gámur á akrein hringtorgs í Hveragerði Þurfi að bæta skráningu ofbeldisbrota gegn fangavörðum Ursula von der Leyen kemur til Íslands Formenn takast á, fangelsismál og Trump á völlinn Ekki farið fram á gæsluvarðhald yfir fimmmenningunum Ingi Garðar er Reykvíkingur ársins Kallaði Kristrúnu „Trump okkar Íslendinga“ Kristrún og Guðrún mætast í Sprengisandi Flestir ánægðir með Kristrúnu en fæstir Ingu Fundu kannabisplöntur við húsleit Dettifoss komið til hafnar Mörg hundruð börn hittist og drekki sig full í sumarpartýum Ofbeldi í garð fangavarða eykst Hnífstungumaður úrskurðaður í gæsluvarðhald Fjögur mál kláruð fyrir þingslit: „Skynsamleg lúkning sem forseti leggur til“ Þinglokasamningur í höfn Þingfundi slitið eftir ítrekaðar frestanir og snörp orðaskipti Eldfimt ástand á þingi, árásir á fangaverði og full ungmenni á víðavangi Segir enga sérstaka ástæðu fyrir áhuga á 71. greininni Sjá meira
Menachem Z. Rosensaft er varaforseti og yfirlögfræðingur World Jewish Congress, en hann kennir lögfræði þjóðarmorða við lögfræðideildir háskólanna Columbia og Cornell, hefur ritað grein sem hann birtir á Vísi þar sem útgáfa bókarinnar Tröllasaga tuttugustu aldarinnar er fordæmt fortakslaust. Hann segir bókina meinfýsna og illgjarna bjögun á sannleika og beri að flokka sem hatursorðræðu. Væntanleg er á íslenskan markað, í sjálft jólabókaflóðið, bókin The Hoax of the Twentieth Century: The Case Against the Presumed Extermination of European Jewry“ eftir Arthur R. Butz, í íslenskri þýðingu. Bókin umdeilda eins og hún birtist í Bókatíðindum. Bókin er alræmd, kom út árið 1976 en þar er dregið í efa að helför nasista í seinni heimstyrjöldinni hafi átt sér stað. Í íslenskra þýðingu hefur bókin hlotið nafnið Tröllasaga tuttugustu aldarinnar. Meinfýsin og illgjörn bjögun á sannleika Bók Butz ætti án efa að flokkast sem ærumeiðandi tilraun til að breiða út boðskap gyðingahaturs, segir í grein Rosensaft. „Kynning og sala bókarinnar ætti því einnig að líta á sem tilraun til að breiða út boðskap gyðingahaturs og gengur þvert á lýðræðisleg gildi. Helförin er ekki getgáta heldur sagnfræðileg staðreynd. Helfararafneitun er ekki spurning um skoðanafrelsi heldur er það meinfýsin og illgjörn bjögun á sannleika og staðreyndum sem hafa ekkert með tjáningarfrelsi eða prentfrelsi að gera.“ Vísir fjallaði um bókina og þá gagnrýni sem fram kom að hana væri að finna í Bókatíðindum þar sem útgáfa jólabókanna er tíunduð. Ekki er miklar upplýsingar tiltækar þar, ekki kemur fram hver þýðir en þó að útgefandi sé Betaíota. Hins vegar eru engar upplýsingar aðgengilegar um það útgáfufélag. Eftir nokkrum krókaleiðum komst Vísir að því að þar að baki stendur fyrirtæki sem heitir Vallía sf. Sem svo tengist ferðaþjónustufyrirtækinu Valferðum hvar Björn Jónsson er í forsvari. Björn hefur ekki viljað tjá sig um málið. Heiðar Ingi Svansson formaður Fibut sagði í samtali við Vísi að Bókatíðindum væri ekki ritstýrt að neinu leyti eða ritskoðuð, um væri að ræða opinn að gang fyrir kynningarefni og það væri á ábyrgð þeirra sem keyptu sér pláss í Bókatíðindum. „Einn hornsteinn sem bókaútgáfa hér og annars staðar, grundvallast á er prent- og tjáningarfrelsi. Ég man ekki til þess, í áralangri sögu útgáfu Bókatíðinda, að kynning og efnistök þar hafi verið ritskoðað. Þetta hefur verið grundvallarforsenda,“ segir Heiðar Ingi sem leggur á það ríka áherslu að hann sé ekki að mæla þessu riti bót. Fíbút beri skylda til að lögmæta ekki efnislega andstyggð En Menachem Z. Rosensaft og þeim hjá World Jewish Congress telja þetta ekki gilda röksemdafærslu. Petra Kahn Nord er fulltrúi WJC í Svíþjóð. En þar hafa samtökin fylgst grannt með gangi mála á Íslandi hvað varðar útgáfu bókarinnar. Vísir hefur nú um hríð verið í sambandi við Petru Kahn Nord sem er formaður samtakanna í Svíþjóð. Þar hafa þau fylgst vel með gangi mála í því sem snýr að umræðu um bókina og þeim finnst niðurstaðan ekki ásættanleg. Þau vísa til almennra hegningarlaga á Íslandi, grein 233a: „Hver sem opinberlega hæðist að, rógber, smánar eða ógnar manni eða hópi manna með ummælum eða annars konar tjáningu […] skal sæta sektum eða fangelsi allt að 2 árum“. Greinin vísi ekki sérstaklega til helfararafneitunar en benda á að helfararafneitun er víða séð sem birtingarmynd gyðingahaturs. „Þó það sé ekki bannað samkvæmt lögum á Íslandi að gefa út efni með hatursorðræðu og skoðanamótun, hafa útgefendur Bókatíðinda siðferðislega skyldu til að hvorki lögmæta né gæða þau sjónarmið lífi sem koma fram í bókinni,“ segir í grein Menachem Z. Rosensaft. Þar kemur jafnframt fram að ekki skuli rugla tjáningarfrelsi saman við frelsi í almennum skilningi, „og því má ekki nýta tjáningarfrelsi sem rétt til að segja hvað sem er sem getur svert mannorð eða minningu fórnarlamba helfararinnar. Þessi bók er efnislega eins andstyggileg og gróft klám eða aðrar birtingarmyndir kynþáttarhaturs og ofstæki. Bókina ætti að fordæma og útskúfa sem ærumeiðandi hatursorðræðu í garð gyðinga.“
Bókaútgáfa Tjáningarfrelsi Tengdar fréttir Afneitun Helfararinnar er hættuleg samfélaginu Menachem Z. Rosensaft segir bókina Tröllasaga tuttugustu aldarinnar hreina og klára andstyggð, hatursáróður og Fíbút ætti að reisa skorður við slíku í Bókatíðindum. 3. desember 2020 11:26 Mest lesið „Eini rasisminn sem ég hef upplifað á Íslandi er frá lögreglunni“ Innlent Greindist með MND 27 ára: „Lífið er of stutt til að vera neikvæður“ Innlent Gámur á akrein hringtorgs í Hveragerði Innlent Hótar að svipta Rosie O'Donnell ríkisborgararétti Erlent Mörg hundruð börn hittist og drekki sig full í sumarpartýum Innlent Tókust á um veiðigjöld og þinglok Innlent Kallaði Kristrúnu „Trump okkar Íslendinga“ Innlent Velti bílnum út í sjó í Súgandafirði Innlent Flestir ánægðir með Kristrúnu en fæstir Ingu Innlent Maðurinn sem var stunginn í Mjóddinni liggur enn þungt haldinn Innlent Fleiri fréttir Fagna áttatíu ára afmæli millilandaflugs Íslendinga Mótmæla heimsókn Ursulu von der Leyen „Langþreytt á að það séu boðaðir fundir þegar eitthvað kemur upp á“ Leita logandi ljósi af nýju svæði undir kirkjugarð á Selfossi Greindist með MND 27 ára: „Lífið er of stutt til að vera neikvæður“ Barátta við illvígan sjúkdóm, furðuleg uppátæki fanga og svakalegar hitatölur Maðurinn sem var stunginn í Mjóddinni liggur enn þungt haldinn Gámurinn á bak og burt Velti bílnum út í sjó í Súgandafirði „Eini rasisminn sem ég hef upplifað á Íslandi er frá lögreglunni“ Tókust á um veiðigjöld og þinglok Gámur á akrein hringtorgs í Hveragerði Þurfi að bæta skráningu ofbeldisbrota gegn fangavörðum Ursula von der Leyen kemur til Íslands Formenn takast á, fangelsismál og Trump á völlinn Ekki farið fram á gæsluvarðhald yfir fimmmenningunum Ingi Garðar er Reykvíkingur ársins Kallaði Kristrúnu „Trump okkar Íslendinga“ Kristrún og Guðrún mætast í Sprengisandi Flestir ánægðir með Kristrúnu en fæstir Ingu Fundu kannabisplöntur við húsleit Dettifoss komið til hafnar Mörg hundruð börn hittist og drekki sig full í sumarpartýum Ofbeldi í garð fangavarða eykst Hnífstungumaður úrskurðaður í gæsluvarðhald Fjögur mál kláruð fyrir þingslit: „Skynsamleg lúkning sem forseti leggur til“ Þinglokasamningur í höfn Þingfundi slitið eftir ítrekaðar frestanir og snörp orðaskipti Eldfimt ástand á þingi, árásir á fangaverði og full ungmenni á víðavangi Segir enga sérstaka ástæðu fyrir áhuga á 71. greininni Sjá meira
Afneitun Helfararinnar er hættuleg samfélaginu Menachem Z. Rosensaft segir bókina Tröllasaga tuttugustu aldarinnar hreina og klára andstyggð, hatursáróður og Fíbút ætti að reisa skorður við slíku í Bókatíðindum. 3. desember 2020 11:26