Gis­card d'Esta­ing fyrr­verandi Frakk­lands­for­seti látinn

Giscard d'Estaing var forseti Frakklands frá 1974 til 1981 og er einna þekktastur fyrir að hafa „siglt Frakklandi inn í nútímann“ í forsetatíð sinni. Það var til að mynda undir hans stjórn sem þungunarrof var lögleitt í Frakklandi og lög um hjónaskilnaði gerð frjálsari.

Hann laut að endingu í lægra haldi fyrir mótframbjóðanda sínum, jafnaðarmanninum François Mitterrand, í forsetakosningum 1981.

Þá var Giscard d'Estaing mikill Evrópusinni og sat um tíma á Evrópuþinginu. Hann lætur eftir sig eiginkonu og fjögur börn.