Tveir særðir eftir meinta hryðjuverkaárás í Lugano

Atli Ísleifsson skrifar 25. nóvember 2020 08:08

Frá vettvangi árásarinnar í Lugano í gær. AP

Lögregla í Sviss handtók í gær konu í Lugano í suðurhluta landsins, eftir að hún hafði sært tvo í árás í verslun. Árásin er rannsökuð sem hryðjuverkaárás.

Konan reyndi að kyrkja einn viðskiptavin verslunarinnar og stakk annan í hálsinn með hníf áður en öðrum viðskiptavinum tókst að yfirbuga hana.

BBC segir frá því að einn hinna særðu sé alvarlega særður, en þó ekki lífshættulega. Hinn er minna særður.

Hin grunaða er 28 ára gömul og hafði áður komið við sögu lögreglu við rannsókn á hryðjuverkastarfsemi íslamista árið 2017. Er hún svissneskur ríkisborgari, búsett í hinu ítölskumælandi Ticino-héraði.

Sviss

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.