Níu greindust innanlands í gær

Atli Ísleifsson skrifar 24. nóvember 2020 10:55

Alls hafa um 5.300 manns nú greinst með kórónuveiruna hér á landi frá upphafi faraldursins. Vísir/Vilhelm

Níu greindust með kórónuveiruna innanlands í gær. Fimm af þeim sem greindust í gær voru í sóttkví, eða um 55 prósent. Fjórir þeirra sem greindust í gær voru utan sóttkvíar, eða 45 prósent.

Þetta kemur fram í uppfærðum tölum á vefnum covid.is. Nú eru 43 á sjúkrahúsi vegna Covid-19, þar af tveir á gjörgæslu. Í gær voru 45 á sjúkrahúsi og þar af tveir á gjörgæslu.

Sjö greindust á landamærum og er niðurstöðu mótefnamælingar beðið í tilvikum þeirra allra.

186 manns eru nú í einangrun, samanborið við 198 í gær. Þá eru 246 í sóttkví í dag, samanborið við 220 í gær.

Af þeim níu sem greindust innanlands í gær greindust átta eftir að tekin voru svokölluð einkennasýni, en einn eftir svokallaða sóttkvíar- og handahófsskimun.

Nýgengi innanlandssmita, þ.e. fjöldi smitaðra á hverja 100 þúsund íbúa undanfarnar tvær vikur, er nú 39,5 en var 40,1 í gær. Þá er nýgengi landamærasmita nú 11,5 líkt og í gær.

Nú hafa 5.298 manns greinst smitaðir af kórónuveiru frá upphafi faraldursins. Á síðunni segir að af þeim veikst hafa af Covid-19 eru 26 nú látnir.

Staðan hefur landshlutum í dag, 24. nóvember 2020.

Alls voru tekin 650 einkennasýni hjá sýkla- og veirufræðideild Landspítalans og Íslenskri erfðagreiningu í gær og 253 sýni á landamærunum eða í seinni landamæraskimun. Þá voru 298 sýni tekin í annarri skimun hjá Íslenskri erfðagreiningu.

Fréttin hefur verið uppfærð.

Faraldur kórónuveiru (COVID-19)

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.