Verklok í Kalangala: Mikill árangur í menntamálum Heimsljós 17. nóvember 2020 11:20 Nýju kennslustofurnar á Kibanga eyju. Menntaverkefni Íslendinga í samstarfi við héraðsstjórnina í Kalangala héraði í Úganda lauk formlega á dögunum með því að héraðsstjórninni voru afhentar nýbyggingar, annars vegar heimavist fyrir stúlkur á eyjunni Kachanga og hins vegar skólabygging með fjórum kennslustofum á eyjunni Kibanga. Markmiðið verkefnis var að treysta í sessi góðan árangur í menntamálum héraðsins og Finnbogi Rútur Arnarson, starfandi forstöðumaður sendiráðs Íslands í Kampala, segir að það hafi tekist með ágætum. Frá afhendingu heimavistarinnar. Þegar Íslendingar hófu tíu ára héraðsþróunarsamstarf við héraðsstjórnina árið 2005 voru menntamál í miklum ólestri í þessu eyjasamfélagi úti á Viktoríuvatni. Miðað við samræmd próf í grunnskóla voru skólarnir í Kalangala meðal þeirra lökustu í landinu en á verkefnatímabilinu tókst að koma þeim í hóp efstu tuttugu héraðanna, þar sem þeir hafa verið frá árinu 2016. Þá eru nemendur í héraðinu í hópi þeirra allra bestu þegar kemur að leikni í lestri og stærðfræði. Við lok héraðsþróunarverkefnisins í lok árs 2015 var ákveðið að byggja á þeim góða árangri í menntamálum sem náðst hafði og halda áfram að styðja við þann málaflokk næstu fimm árin. Utanríkisráðuneytið lagði til um hálfan milljarð íslenskra króna til margvíslegra verkefna í skólamálum héraðsins, fyrir átta þúsund nemendur í 26 grunnskólum, þremur gagnfræðaskólum og einum verkmenntaskóla. Til að auka gæði kennslunnar var kennurum og skólastjórnendum boðið að sækja framhaldsnám og langflestir þeirra, 87 prósent, sóttu sér diplómu í kennslufræðum. Stórátak var gert í dreifingu námsbóka með því að tryggja að sérhver nemandi hefði eigin kennslubók, sem langt yfir meðaltali í Úganda. Nýja heimavist stúlkna á Kachanga eyju. Enn fremur voru byggðar nýjar skólabyggingar og aðrar lagfærðar í fyrrnefndum skólum í samræmi við opinbera gæðastaðla í landinu, meðal annars byggingar undir kennslustofur, vatns- og salernisaðstöðu, skólaeldhús, kennarahús og heimavistir. Kalangala hérað er eyjasamfélag og samgöngur milli eyjanna og við meginlandið eru bundnar við bátsferðir. Af 83 eyjum eru 64 í byggð með mismarga íbúa, allt frá fáeinum og upp í nokkur þúsund en alls eru íbúar eyjanna um 60 þúsund. Skólar eru á níu eyjum og því er mikil þörf á heimavistum fyrir nemendur eyja þar sem engir skólar eru. Vegna umbóta í menntamálum hefur nemendum einnig fjölgað verulega, t.d. voru nemendur á Kachanga 94 í upphafi verkefnisins en rúmlega 400 þegar því lauk. Með verklokum í menntaverkefninu í Kalangala lýkur fimmtán ára sögu Íslands í samstarfi við héraðsstjórnina. Frá árinu 2016 hefur Buikwe hérað verið helsta samstarfshérað Íslendinga í þróunarsamvinnu og nýlega hófst undirbúningur verkefna í samstarfi við héraðið Namayingo í austurhluta Úganda. Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál. Þróunarsamvinna Úganda Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Það þarf að stoppa svona menn áður en þeir drepa einhvern“ Innlent „Hvergi í verklagsreglum að við séum að reka fólk í burtu“ Innlent Fjölskylda í norðurljósaleit hrakin á brott af leiðsögumönnum Innlent Ísland að tapa í slagnum um ferðamenn Innlent Íbúar Hlíða velta fyrir sér dularfullum hvelli Innlent Svipar til gamalla óupplýstra rána Innlent Hætt við framboð og vonast eftir þjóðhollum og guðræknum forseta Innlent Fullkomlega sáttur við ákvörðun sína en útilokar ekkert Innlent Hamfaragámur Bónus tryggir kældan mat í neyðarástandi Innlent Vélsleðamaður lenti í snjóflóði Innlent
Menntaverkefni Íslendinga í samstarfi við héraðsstjórnina í Kalangala héraði í Úganda lauk formlega á dögunum með því að héraðsstjórninni voru afhentar nýbyggingar, annars vegar heimavist fyrir stúlkur á eyjunni Kachanga og hins vegar skólabygging með fjórum kennslustofum á eyjunni Kibanga. Markmiðið verkefnis var að treysta í sessi góðan árangur í menntamálum héraðsins og Finnbogi Rútur Arnarson, starfandi forstöðumaður sendiráðs Íslands í Kampala, segir að það hafi tekist með ágætum. Frá afhendingu heimavistarinnar. Þegar Íslendingar hófu tíu ára héraðsþróunarsamstarf við héraðsstjórnina árið 2005 voru menntamál í miklum ólestri í þessu eyjasamfélagi úti á Viktoríuvatni. Miðað við samræmd próf í grunnskóla voru skólarnir í Kalangala meðal þeirra lökustu í landinu en á verkefnatímabilinu tókst að koma þeim í hóp efstu tuttugu héraðanna, þar sem þeir hafa verið frá árinu 2016. Þá eru nemendur í héraðinu í hópi þeirra allra bestu þegar kemur að leikni í lestri og stærðfræði. Við lok héraðsþróunarverkefnisins í lok árs 2015 var ákveðið að byggja á þeim góða árangri í menntamálum sem náðst hafði og halda áfram að styðja við þann málaflokk næstu fimm árin. Utanríkisráðuneytið lagði til um hálfan milljarð íslenskra króna til margvíslegra verkefna í skólamálum héraðsins, fyrir átta þúsund nemendur í 26 grunnskólum, þremur gagnfræðaskólum og einum verkmenntaskóla. Til að auka gæði kennslunnar var kennurum og skólastjórnendum boðið að sækja framhaldsnám og langflestir þeirra, 87 prósent, sóttu sér diplómu í kennslufræðum. Stórátak var gert í dreifingu námsbóka með því að tryggja að sérhver nemandi hefði eigin kennslubók, sem langt yfir meðaltali í Úganda. Nýja heimavist stúlkna á Kachanga eyju. Enn fremur voru byggðar nýjar skólabyggingar og aðrar lagfærðar í fyrrnefndum skólum í samræmi við opinbera gæðastaðla í landinu, meðal annars byggingar undir kennslustofur, vatns- og salernisaðstöðu, skólaeldhús, kennarahús og heimavistir. Kalangala hérað er eyjasamfélag og samgöngur milli eyjanna og við meginlandið eru bundnar við bátsferðir. Af 83 eyjum eru 64 í byggð með mismarga íbúa, allt frá fáeinum og upp í nokkur þúsund en alls eru íbúar eyjanna um 60 þúsund. Skólar eru á níu eyjum og því er mikil þörf á heimavistum fyrir nemendur eyja þar sem engir skólar eru. Vegna umbóta í menntamálum hefur nemendum einnig fjölgað verulega, t.d. voru nemendur á Kachanga 94 í upphafi verkefnisins en rúmlega 400 þegar því lauk. Með verklokum í menntaverkefninu í Kalangala lýkur fimmtán ára sögu Íslands í samstarfi við héraðsstjórnina. Frá árinu 2016 hefur Buikwe hérað verið helsta samstarfshérað Íslendinga í þróunarsamvinnu og nýlega hófst undirbúningur verkefna í samstarfi við héraðið Namayingo í austurhluta Úganda. Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál.
Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál.
Þróunarsamvinna Úganda Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Það þarf að stoppa svona menn áður en þeir drepa einhvern“ Innlent „Hvergi í verklagsreglum að við séum að reka fólk í burtu“ Innlent Fjölskylda í norðurljósaleit hrakin á brott af leiðsögumönnum Innlent Ísland að tapa í slagnum um ferðamenn Innlent Íbúar Hlíða velta fyrir sér dularfullum hvelli Innlent Svipar til gamalla óupplýstra rána Innlent Hætt við framboð og vonast eftir þjóðhollum og guðræknum forseta Innlent Fullkomlega sáttur við ákvörðun sína en útilokar ekkert Innlent Hamfaragámur Bónus tryggir kældan mat í neyðarástandi Innlent Vélsleðamaður lenti í snjóflóði Innlent