Lífið

Byggja níu metra A-hús með níu svefnherbergjum í Ölfusi

Sylvía Rut Sigfúsdóttir skrifar
Heimilið sem Andrea Eyland og Þorleifur Kamban byggja á landareigninni Kambastaðir í sveitafélaginu Ölfusi.
Heimilið sem Andrea Eyland og Þorleifur Kamban byggja á landareigninni Kambastaðir í sveitafélaginu Ölfusi. Þorleifur Kamban & Undra arkítektar

„Markmiðið okkar hefur alltaf verið að við gætum verið tvö í þessu. En hlaðvarp og Instagram, þetta er ekki tekjulind, þetta er ekki fyrir salti í grautinn og það verður enginn ríkur að þessu. En markmiðið okkar með þessu er ekkert endilega að vera rík. Bara að eiga ofan í okkur og á,“ segir Andrea Eyland, þáttastjórnandi Kviknar hlaðvarpsins.

Í nýjasta þætti tilkynntu Andrea og barnsfaðir hennar Þorleifur Kamban um spennandi ævintýri fram undan. Andrea segir að hún hafi aldrei búið á sama stað í meira en fimm ár og nú hefur hún búið í Laugardalnum í rúm fjögur ár. Hin eirðarlausa Andrea setti íbúðina á sölu og nú ætla þau að byggja sér einstakt heimili saman. Þorleifur átti nefnilega gamlar teikningar að sumarhúsi, sem þau ætla að láta verða að heimili fyrir sig og börnin.

„Ég teiknaði upp svolítið sérstakt A-hús fyrir mörgum árum síðan,“ útskýrir Þorleifur.

„Þetta eru þrjú hús sem að tengjast saman og mynda hálfgerða stjörnu séð ofan frá.“

Draumahús Andreu og ÞorleifsÞorleifur Kamban & Undra arkítektar

Nóg af herbergjum fyrir alla

Þau höfðu oft rætt að þau gætu ekki keypt nýtt hús heldur gætu frekar hannað nýtt hús að þörfum þeirra stóru blönduðu fjölskyldu. Hann endurhannaði því húsið þannig að svefnherbergin væru níu, hjónaherbergi og nóg að herbergjum fyrir börnin átta sem þau eiga samtals saman og úr fyrri samböndum.

„Það eru nógu mörg herbergi fyrir öll börn og alla vini líka,“ segir Andrea. „Þetta er níu metra hátt A-hús og þarna erum við með pláss fyrir vinnustofu líka.“

Eftir mikla leit fundu þau landareign sem væri nógu stór fyrir heimili og einhvern rekstur líka.

„Við erum bara með eitt að leiðarljósi, það er að hafa gaman að þessu. Það er svo auðvelt að fara af stað í svona verkefni og stressast upp og fara í einhvern leiðindagír.“

Andrea Eyland og Þorleifur Kamban halda úti Instagram síðunni Kviknar.Vísir/Vilhelm

Foreldrar geta endurhlaðið sig

Áhugasamir fá að fylgjast með ævintýrinu á Instagram síðunni Eyland og Kamban og í þáttunum Gulli byggir næsta haust, en þau Andrea og Þorleifur lögðu nýlega lokahönd á framhaldsþáttaröð af þáttunum Líf Kviknar, sem byggðir eru á bókinni þeirra Kviknar. Nýju þættirnir nefnast Líf dafnar og verða sýndir í byrjun næsta árs á Stöð 2. Húsin verða þrjú talsins.

„Eðlileg framvinda á Kviknar verkefninu er að bjóða upp á stað fyrir þessa foreldra sem við erum í stanslausum samskiptum við, til þess að koma og endurhlaða sig í þessu hlutverki. Koma og hitta aðra foreldra í sömu sporum, slaka á, sofa út, fá morgunkaffi í rúmið.“

Jógasalurinn sem Andrea og Þorleifur ætla að byggja tengdan við húsið sitt.Þorleifur Kamban & Undra arkítektar

Þeirra markmið er að foreldrarnir fari líka í jógatíma, hugleiðslu og fái fræðslu um foreldrahlutverkið, sambandið og fleira.

Hægt er að hlusta á þáttinn í heild sinni í spilaranum hér fyrir neðan.


Tengdar fréttir

Flókið að samræma foreldra sem hafa enga tengingu nema barnið

„Ég er enginn gúrú í þessum málum, þannig að ég hef stigið alls konar skref sem að ég hefði kannski ekki átt að gera og skipt mér of mikið af. Ég er bara að eðlisfari mjög stjórnsöm og það hefur kannski ekkert endilega fallið í góðan jarðveg,“ segir Andrea Eyland um stjúpmóðurhlutverkið.

Sá ekki tilgang þess að vera til

Andrea Eyland segir að röð áfalla hafi orðið til þess að einn daginn lenti hún á vegg. Hún vildi ekki lengur vakna daginn eftir. Hún átti börn að lifa fyrir en segist ekki hafa séð það þá.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.