Fimmtíu greindust innanlands og fimmtíu nú á sjúkrahúsi

Atli Ísleifsson skrifar 26. október 2020 10:58

Fimmtíu greindust með kórónuveiruna innanlands í gær. Alls voru 28 af þeim fimmtíu sem greindust í gær utan sóttkvíar, eða 56 prósent. 22 þeirra sem greindust í gær voru í sóttkví, eða 44 prósent.

Þetta kemur fram í uppfærðum tölum á vefnum covid.is. Alls eru fimmtíu nú á sjúkrahúsi vegna Covid-19, þar af þrír á gjörgæslu. Í gær var 31 á sjúkrahúsi og fjórir á gjörgæslu.

Fjórtán smit greindust á landamærum og er niðurstaða mótefnamælingar beðið í ellefu tilvikum. Þrjú smit voru virk.

1.030 manns eru nú í einangrun, samanborið við 1.042 í gær. Þá eru 2.468 í sóttkví í dag, samanborið við 2.049 í gær.

Af þeim fimmtíu sem greindust innanlands í gær greindust 46 eftir að tekin voru svokölluð einkennasýni og fjögur við sóttkvíar- og handahófsskimun.

Nú hafa 4.504 manns greinst smitaðir af kórónuveiru frá upphafi faraldursins. Ellefu þeirra sem hafa veikst af Covid-19 eru látnir.

Alls voru tekin 619 einkennasýni hjá sýkla- og veirufræðideild Landspítalans og Íslenskri erfðagreiningu í gær og 475 sýni á landamærunum eða í seinni landamæraskimun. Þá voru 93 sýni tekin við sóttkvíar- og handahófsskimun.

Faraldur kórónuveiru (COVID-19)

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.