Dagskráin í dag: Rómverjar sækja Zlatan heim

Arnar Geir Halldórsson skrifar 26. október 2020 06:00

Zlatan verður í beinni í dag. vísir/Getty

Einn knattspyrnuleikur er í beinni útsendingu á sportstöðvum Stöðvar 2 í dag en einnig verður fjallað um handbolta og rafíþróttir á skjánum í dag.

AS Roma heimsækir AC Milan í 5.umferð ítölsku úrvalsdeildarinnar en AC Milan hefur byrjað tímabilið frábærlega og trónir á toppi deildarinnar með fullt hús stiga eftir fjórar umferðir. Sænska goðsögnin Zlatan Ibrahimovic er allt í öllu hjá AC en Rómverjar hafa farið rólegar af stað, eru með sjö stig eftir fjóra leiki.

Útsendingin hefst klukkan 19:35 á Stöð 2 Sport 2 og flautað verður til leiks tíu mínútum síðar eða klukkan 19:45

Skömmu síðar hefst Seinni bylgjan á Stöð 2 Sport undir styrkri stjórn Henry Birgis Gunnarssonar en það styttist óðum í að Olís-deildin í handbolta fari aftur af stað eftir að keppni var stöðvuð vegna kórónuveirufaraldursins.

Á sama tíma eða klukkan 20:00 verða félagarnir í GameTíví með sinn vikulega þátt á Stöð 2 ESport þar sem farið verður yfir allt það helsta í heimi tölvuleikjanna.

Smelltu hér til að skoða dagskrána á sportstöðvum Stöðvar 2.

Ítalski boltinn Seinni bylgjan Rafíþróttir Gametíví

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.