Fimm mörk frá Óðni og sigur hjá Sveini, Aroni og Elvari

Anton Ingi Leifsson skrifar 23. október 2020 19:00

Óðinn Þór Ríkharðsson skoraði fimm mörk fyrir Holstebro í dag. mynd/hsí

Ágúst Elí Björgvinsson var með rúmlega 30% markvörslu er Kolding tapaði fyrir Skjern í dönsku úrvalsdeildinni í dag.

Leiknum lauk með 27-26 sigri gestanna frá Skjern eftir að þeir höfðu leitt með einu marki í hálfleik, 15-14.

Elvar Örn Jónsson skoraði fjögur mörk úr sjö skotum hjá Skjern sem situr í 2. til 3. sæti deildarinnar en Kolding er í því tíunda.

Óðinn Þór Ríkharðsson skoraði fimm mörk er TTH Holstebro gerði jafntefli við Ringsted, 32-32, einnig í danska boltanum.

Jafnteflið var nokkuð óvænt enda Holstebro í 5. sætinu og þetta var fyrsta stig Ringsted í ár.

Aron Elís Þrándarson kom inn af bekknum er OB vann 3-0 sigur á Lyngby á útivelli. Hann kom inn af bekknum á 68. mínútu.

Sveinn Aron Guðjohnsen sat allan tímann á varamannabekknum hjá OB sem er í 8. sætinu með sjö stig. Lyngby er hins vegar með tvö stig.

Danski boltinn Danski handboltinn

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.