Innlent

42 greindust innan­lands

Atli Ísleifsson skrifar
74 prósent þeirra sem greindust með smit voru í sóttkví.
74 prósent þeirra sem greindust með smit voru í sóttkví. Vísir/Vilhelm

42 greindust með kórónuveiruna innanlands í gær. 31 þeirra sem greindust voru í sóttkví við greiningu, en ellefu ekki.

Þetta kemur fram í uppfærðum tölum á vefnum covid.is. Alls eru 27 nú á sjúkrahúsi vegna Covid-19, þar af þrír á gjörgæslu. Í gær voru 26 á sjúkrahúsi og fjórir á gjörgæslu.

22 smit greindust á landamærum og er niðurstaða mótefnamælingar beðið í nítján tilvikum. Þrjú virk smit greindust í seinni landamæraskimun.

1.234 manns eru nú í einangrun, samanborið við 1.240 í gær. Þá eru 2.878 í sóttkví í dag, samanborið við 2.780 í gær.

Af þeim 42 sem greindust innanlands í gær greindust 35 eftir að tekin voru svokölluð einkennasýni og sjö við sóttkvíar- og handahófsskimun.

Þriðja bylgjan.

Nýgengi innanlandssmita, þ.e. fjöldi smitaðra á hverja 100 þúsund íbúa undanfarnar tvær vikur, er nú 287,7 en var 292,3 í gær. Þá er nýgengi landamærasmita nú 15,8, en var 16,1 í gær.

Nú hafa 4.101 manns greinst smitaðir af kórónuveiru frá upphafi faraldursins. Ellefu þeirra sem hafa veikst af Covid-19 eru látnir.

Alls voru tekin 645 einkennasýni hjá sýkla- og veirufræðideild Landspítalans og Íslenskri erfðagreiningu í gær og 527 sýni á landamærunum eða í seinni landamæraskimun. Þá voru 167 sýni tekin við sóttkvíar- og handahófsskimun og þá voru ellefu sýni tekið í annarri skimun hjá ÍE.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.