Múlaþing formlega samþykkt sem nafn á sameinuðu sveitarfélagi á Austurlandi

Gunnar Reynir Valþórsson skrifar 15. október 2020 12:05

Nýtt sveitarfélag telur um fimmþúsund íbúa. Vísir/Hafsteinn

Múlaþing var í gær formlega staðfest sem nafn á sameinuðu sveitarfélagi Borgarfjarðarhrepps, Djúpavogshrepps, Fljótsdalshéraðs og Seyðisfjarðarkaupstaðar. Þetta kemur fram á heimasíðu Fljótsdalshéraðs en fréttamiðillinn Austurfrétt greinir frá. Nafnið var samþykkt samhljóða í annarri umræðu á sveitarstjórnarfundi sem fram fór í Valaskjálf.

Í sumar höfðu íbúar svæðisins tekið þátt í nafnakönnun sem þó var ekki bindandi og þar varð Múlaþing hlutskarpast. Drekabyggð lenti í öðru sæti en með töluvert færri atkvæði og Austurþing lenti í þriðja sæti. Þátttaka var um fimmtíu prósent.

Sveitarstjórnarmál Múlaþing Seyðisfjörður Borgarfjörður eystri Fljótsdalshérað Djúpivogur

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.