Fjórtán í sektarmeðferð vegna brota á sóttvarnarreglum

Mál fjórtán einstaklinga og fyrirtækja hafa farið í sektarmeðferð vegna brota á sóttvarnarreglum frá því kórónuveirufaraldurinn hófst samkvæmt upplýsingum frá Ríkislögreglustjóra. 

Ekki er búið að ljúka öllum málunum. 

Samkvæmt reglugerð heilbrigðisráðherra er hægt að sekta fólk um allt að 250 þúsund krónur fyrir brot á sóttkví og allt að 500 þúsund krónur fyrir brot á einangrun. 

Þá er hægt að sekta fyrir brot á reglum um fjöldatakmörkun, fyrir brot á skyldu til að tryggja að hægt sé að hafa tvo metra á milli einstaklinga sem ekki deila heimili, brot á reglum um notkun andlistgrímu og um lokun samkomustaða.