Innlent

33 greindust innan­lands

Atli Ísleifsson skrifar
Af þeim 33 sem greindust innanlands var um 24 einkennasýni að ræða, sex við sóttkvíar- og handahófsskimun og þrjú við skimun hjá ÍE.
Af þeim 33 sem greindust innanlands var um 24 einkennasýni að ræða, sex við sóttkvíar- og handahófsskimun og þrjú við skimun hjá ÍE. Vísir/Vilhelm

33 greindust með kórónuveiruna innanlands í gær. Alls voru nítján þeirra sem greindust ekki í sóttkví.

Þetta kemur fram í uppfærðum tölum á vefnum covid.is, en alls hafa þá 296  greinst innanlands síðustu níu sólarhringa. Einn er á sjúkrahúsi vegna Covid-1, en í gær voru þeir tveir.

Fjögur smit greindust á landamærum og þar sem niðurstöðu mótefnamælingar er beðið í tilfellum þeirra allra.

352 manns eru nú í einangrun, samanborið við 324 í gær. Þá fjölgar þeim sem eru í sóttkví, eru 2.486 í dag en voru 2.410 í gær.

Af þeim 33 sem greindust innanlands var um 24 einkennasýni að ræða, sex við sóttkvíar- og handahófsskimun og þrjú við skimun hjá ÍE.

Nýgengi innanlandssmita, þ.e. fjöldi smitaðra á hverja 100 þúsund íbúa undanfarnar tvær vikur er nú 91,1 en var 83,2 í gær. Þá er nýgengi landamærasmita nú 4,1, en var 4,4 í gær.

Nú hafa 2.476 manns greinst smitaðir af kórónuveiru frá upphafi faraldursins. Tíu þeirra sem hafa veikst af Covid-19 eru látnir.

Alls voru tekin 1.225 einkennasýni hjá sýkla- og veirufræðideild Landspítalans og Íslenskri erfðagreiningu í gær og 860 sýni á landamærunum eða í seinni landamæraskimun. Þá voru 426 sýni tekin í annarri skimun hjá Íslenskri erfðagreiningu og 422 sýni tekin við sóttkvíar- og handahófsskimun.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.