Golf

Rory ætlar að hanga á toppsæti heimslistans

Henry Birgir Gunnarsson skrifar
Númer eitt. Rory er mættur aftur á toppinn.
Númer eitt. Rory er mættur aftur á toppinn. vísir/getty

Rory McIlroy komst á mánudaginn í efsta sæti heimslistans í golfi í fyrsta sinn síðan í september árið 2015 og hann ætlar ekkert að gefa sætið eftir á næstunni.

Brooks Koepka hafði setið í efsta sætinu í 38 vikur áður en Rory hrifsaði toppsætið af honum.

„Vinnan er rétt að byrja og erfiða vinnan er að hanga á toppsætinu,“ sagði McIlroy en bæði Koepka og Jon Rahm geta tekið toppsætið af honum um helgina á Genesis-boðsmótinu en þar eru mættir níu af tíu efstu á heimslistanum.

„Til að ná að vera á toppnum þarf að vera stöðugur lengi enda frammistaða síðustu tveggja ára sem telur þarna. Maður þarf því að halda stöðugleika og vinna mót. Það mun vonandi ganga upp hjá mér.“

Bein útsending frá mótinu hefst á Stöð 2 Golf klukkan 19.00 í kvöld.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.