Innlent

Sjö greindust með veiruna innan­lands

Hallgerður Kolbrún E. Jónsdóttir skrifar
Sjö greindust innanlands í gær. 
Sjö greindust innanlands í gær.  Vísir/Vilhelm

Sjö greindust með kórónuveiruna sem veldur Covid-19 innanlands í gær og greindust þeir allir hjá sýkla- og veirufræðideild Landspítalans. Fjórir greindust á landamærunum og bíða þeir allir niðurstöðu úr mótefnamælingu samkvæmt nýjum tölum á covid.is.

501 sýni voru greind á sýkla- og veirufræðideild Landspítala og 2.805 á landamærunum. Þá voru 36 sýni greind hjá Íslenskri erfðagreiningu. Samkvæmt upplýsingum á covid.is eru 119 í einangrun. 605 eru nú í sóttkví og fækkaði þeim töluvert milli daga.

Einn liggur nú á sjúkrahúsi en enginn á gjörgæslu.

Enn eru virk smit í öllum landshlutum, langflest á höfuðborgarsvæðinu. Þar eru einnig langflestir, eða 402, í sóttkví og fækkaði þeim um átján á milli daga. Þar á eftir kemur Suðurland, þar sem 73 eru í sóttkví og fækkaði þeim um 23 milli daga.

Nýgengi innanlandssmita, þ.e. fjöldi smitaðra á hverja 100 þúsund íbúa undanfarnar tvær vikur er 21,0 eins og í gær. Þá fór nýgengi landamærasmita úr 5,5 í 7,1.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.