Báðu um að flóðin yrðu hreinsuð í burtu til að auka öryggi Birgir Olgeirsson skrifar 21. janúar 2020 13:08 Snjóflóð féllu sitthvoru megin við varnargarðinn á Flateyri. Vísir/Egill Flateyringar fóru fram á að snjóflóðin tvö, sem eru sitthvoru megin við varnargarðana, verði hreinsuð til að minnka áhyggjur af frekari hættu fram á vorið. Þetta kom frá á íbúafundi þeirra í gær þar sem kvartað var undan vanbúnaði þorpsins eftir að heilsugæslunni var lokað. Flateyringurinn Óttar Guðjónsson, framkvæmdastjóri Lánasjóðs sveitarfélaga, var einn þeirra sem kvaddi sér hljóðs á fundinum í gær. Óttar er einn þeirra sem er í forsvari fyrir lýðskólann á Flateyri. Eftir að heilsugæslan hætti starfsemi þar tók lýðskólinn yfir húsnæði hennar. Er það í dag nýtt sem heimavist fyrir nemandur lýðskólans. Óttar benti á að lýðskólinn hefði boðið Heilbrigðisstofnun Vestfjarða að leigja neðri hæð hússins en ekki hafi verið áhugi fyrir því. „Það kom í ljós að þorpið er skilið eftir vanbúið þegar heilsugæslustöðin hættir starfsemi hérna. Það vantar flest sem til þarf að bregðast við ef hætta steðjar að,“ segir Óttar. Þar á meðal voru engir sjúkrakassar á staðnum og hjartastuðtæki rafmagnslaust. Flateyringurinn Óttar Guðjónsson, framkvæmdastjóri Lánasjóðs sveitarfélaga.Vísir Óttar benti á að það væri ekki óþekkt að veginum til Flateyrar sé lokað á veturna vegna snjóflóðahættu. „Það væri sniðugt að hluti af lykilfólki í viðbrögðum við hættu, lögreglumenn eða hjúkrunarfræðingar, almannavarnafólk, gæti búið á Flateyri og tekið þátt í aðgerðum. Það gæti aukið öryggi.“ Enginn heilsugæslustarfsmaður er í þorpinu. Þó er einn íbúi þar með heilbrigðismenntun. Sú er hjúkrunarfræðingur og sinnir dóttur sinni sem hefur tvisvar fengið heilablæðingu. Kvöldið sem snjóflóðið féll fékk maðurinn hennar heilablæðingu. Konan tók að sér að hjúkra stúlkunni sem grófst undir flóðinu. „Hún var prímusmótorinn í því starfi. Hún vann kraftaverk sú góða kona.“ Björgunarsveitarmenn fluttu stúlkuna sem lenti í flóðinu í sundlaugarmiðstöðina á Flateyri þar sem beita þurfti heimatilbúnum aðferðum til að hlýja henni. „Þær voru með hárblásara til að hita hana. Það þarf líka kunnáttu til að hita manneskju. Það er ekki hægt að demba henni í heita pottinn og hita hana þannig. Það þarf að gerast með réttum hætti. Þetta var fumlaust og kunnáttusamlega gert. Það var mikið mildi að hún féllst á að hjálpa til þarna.“ Þá höfðu íbúar áhyggjur af frekari flóðum. „Ég held að það að ryðja flóðin sem eru núna við garðana myndi hjálpa verulega til að minnka óþægindatilfinninguna gagnvart því að búa hérna fram á vorið. Íbúum myndi líða betur og verða rólegra ef þessi tveir til fjórar metrar af snjó, sem liggur eins og steypa við sitthvoru megin við varnargarðana, yrðu teknir í burtu.“ Einnig var kvartað undan því hve lítið fór fyrir viðvörunum yfirvalda um að vera á ferli við höfnina þar sem snjóflóð fór yfir með mikilli eyðileggingu „Það hefði verið einfalt að senda smáskilaboð til að vara fólk við verulegri hættu á þessu svæði,“ segir Óttar. Hann segir fundinn hafa verið góðan. Stutt hafi verið í hráar tilfinningar þar sem þeir sem með völdin fara fengu líðan Flateyringa beint í æð. „Til að fólki líði vel þarf öryggi. Þegar fólk er öruggt þá líður því vel og fer að leita að atvinnu sem það þarf til að geta búið. Svo getum við byggt upp blómlegt og fallegt samfélag á þessum grunnstoðum.“ Ísafjarðarbær Snjóflóð á Flateyri og Suðureyri Mest lesið Möguleg slit á fríverslunarsamningi við Ísrael tekin fyrir Innlent Einn fluttur á Landspítalann frá Fjallabaki Innlent Þyrlan kölluð út á mesta forgangi Innlent Engin slys á fólki þegar hjólhýsi valt Innlent Ákærðir fyrir hópnauðgun gegn ólögráða stúlku Innlent Syrgja fallið kornabarn: „Það er ekkert plan, engin lausn“ Innlent Aðsetur ríkisstjórnarinnar logar eftir árásir næturinnar Erlent Vilja skylda samskiptaforrit til að skanna einkaskilaboð fólks Erlent Hringveginum lokað vegna umferðarslyss Innlent Labubu bangsar ekki lengur velkomnir í Ísaksskóla Innlent Fleiri fréttir Gleði og samvera í 60 plús leikfimi á Selfossi Syrgja fallið kornabarn: „Það er ekkert plan, engin lausn“ Engin slys á fólki þegar hjólhýsi valt Syrgja fallið kornabarn og fyrsti þúsaldardýrlingurinn Einn fluttur á Landspítalann frá Fjallabaki Kröftug mótmæli brjóti ekki gegn málfrelsi Hringveginum lokað vegna umferðarslyss Þyrlan kölluð út á mesta forgangi Jákvæð gagnvart nýrri atvinnustefnu Frábær og vel heppnuð Ljósanótt Möguleg slit á fríverslunarsamningi við Ísrael tekin fyrir Skoða að rifta fríverslunarsamningi við Ísrael Labubu bangsar ekki lengur velkomnir í Ísaksskóla Fangageymslur fullar eftir erilsama nótt Aðgerðir vegna Gasa, málfrelsi á Íslandi og ný atvinnustefna Ákærðir vegna fölsuðu taflanna tuttugu þúsund „Vona bara að hún grípi til raunverulegra aðgerða sem bíta“ Korn ræktað á um fjögur þúsund hekturum Veltir fyrir sér hvort íslensk íþróttafélög verði af milljörðum Handtekinn undir áhrifum með tvö börn í bílnum Fjölmenn mótmæli og skortur á íslenskukunnáttu þrátt fyrir doktorsnám Ákærðir fyrir hópnauðgun gegn ólögráða stúlku Gullkistan opnuð á Vestfjörðum Sóttu slasaðan ökumann við Surtshelli Gríðarlegur fjöldi á mótmælunum Þjóð gegn þjóðarmorði Tæpir sextíu þúsund fermetrar í eigu ríkisins standa tómir Kennir íslensku en fær ekki ríkisborgararétt að óbreyttu Tvöföldun erlendra fanga á fimm árum: „Þetta er auðvitað gríðarlega hátt hlutfall“ Nöfn myrtra barna verða lesin upp í sjö klukkustundir Eygir vonarneista í fyrsta sinn í marga mánuði Sjá meira
Flateyringar fóru fram á að snjóflóðin tvö, sem eru sitthvoru megin við varnargarðana, verði hreinsuð til að minnka áhyggjur af frekari hættu fram á vorið. Þetta kom frá á íbúafundi þeirra í gær þar sem kvartað var undan vanbúnaði þorpsins eftir að heilsugæslunni var lokað. Flateyringurinn Óttar Guðjónsson, framkvæmdastjóri Lánasjóðs sveitarfélaga, var einn þeirra sem kvaddi sér hljóðs á fundinum í gær. Óttar er einn þeirra sem er í forsvari fyrir lýðskólann á Flateyri. Eftir að heilsugæslan hætti starfsemi þar tók lýðskólinn yfir húsnæði hennar. Er það í dag nýtt sem heimavist fyrir nemandur lýðskólans. Óttar benti á að lýðskólinn hefði boðið Heilbrigðisstofnun Vestfjarða að leigja neðri hæð hússins en ekki hafi verið áhugi fyrir því. „Það kom í ljós að þorpið er skilið eftir vanbúið þegar heilsugæslustöðin hættir starfsemi hérna. Það vantar flest sem til þarf að bregðast við ef hætta steðjar að,“ segir Óttar. Þar á meðal voru engir sjúkrakassar á staðnum og hjartastuðtæki rafmagnslaust. Flateyringurinn Óttar Guðjónsson, framkvæmdastjóri Lánasjóðs sveitarfélaga.Vísir Óttar benti á að það væri ekki óþekkt að veginum til Flateyrar sé lokað á veturna vegna snjóflóðahættu. „Það væri sniðugt að hluti af lykilfólki í viðbrögðum við hættu, lögreglumenn eða hjúkrunarfræðingar, almannavarnafólk, gæti búið á Flateyri og tekið þátt í aðgerðum. Það gæti aukið öryggi.“ Enginn heilsugæslustarfsmaður er í þorpinu. Þó er einn íbúi þar með heilbrigðismenntun. Sú er hjúkrunarfræðingur og sinnir dóttur sinni sem hefur tvisvar fengið heilablæðingu. Kvöldið sem snjóflóðið féll fékk maðurinn hennar heilablæðingu. Konan tók að sér að hjúkra stúlkunni sem grófst undir flóðinu. „Hún var prímusmótorinn í því starfi. Hún vann kraftaverk sú góða kona.“ Björgunarsveitarmenn fluttu stúlkuna sem lenti í flóðinu í sundlaugarmiðstöðina á Flateyri þar sem beita þurfti heimatilbúnum aðferðum til að hlýja henni. „Þær voru með hárblásara til að hita hana. Það þarf líka kunnáttu til að hita manneskju. Það er ekki hægt að demba henni í heita pottinn og hita hana þannig. Það þarf að gerast með réttum hætti. Þetta var fumlaust og kunnáttusamlega gert. Það var mikið mildi að hún féllst á að hjálpa til þarna.“ Þá höfðu íbúar áhyggjur af frekari flóðum. „Ég held að það að ryðja flóðin sem eru núna við garðana myndi hjálpa verulega til að minnka óþægindatilfinninguna gagnvart því að búa hérna fram á vorið. Íbúum myndi líða betur og verða rólegra ef þessi tveir til fjórar metrar af snjó, sem liggur eins og steypa við sitthvoru megin við varnargarðana, yrðu teknir í burtu.“ Einnig var kvartað undan því hve lítið fór fyrir viðvörunum yfirvalda um að vera á ferli við höfnina þar sem snjóflóð fór yfir með mikilli eyðileggingu „Það hefði verið einfalt að senda smáskilaboð til að vara fólk við verulegri hættu á þessu svæði,“ segir Óttar. Hann segir fundinn hafa verið góðan. Stutt hafi verið í hráar tilfinningar þar sem þeir sem með völdin fara fengu líðan Flateyringa beint í æð. „Til að fólki líði vel þarf öryggi. Þegar fólk er öruggt þá líður því vel og fer að leita að atvinnu sem það þarf til að geta búið. Svo getum við byggt upp blómlegt og fallegt samfélag á þessum grunnstoðum.“
Ísafjarðarbær Snjóflóð á Flateyri og Suðureyri Mest lesið Möguleg slit á fríverslunarsamningi við Ísrael tekin fyrir Innlent Einn fluttur á Landspítalann frá Fjallabaki Innlent Þyrlan kölluð út á mesta forgangi Innlent Engin slys á fólki þegar hjólhýsi valt Innlent Ákærðir fyrir hópnauðgun gegn ólögráða stúlku Innlent Syrgja fallið kornabarn: „Það er ekkert plan, engin lausn“ Innlent Aðsetur ríkisstjórnarinnar logar eftir árásir næturinnar Erlent Vilja skylda samskiptaforrit til að skanna einkaskilaboð fólks Erlent Hringveginum lokað vegna umferðarslyss Innlent Labubu bangsar ekki lengur velkomnir í Ísaksskóla Innlent Fleiri fréttir Gleði og samvera í 60 plús leikfimi á Selfossi Syrgja fallið kornabarn: „Það er ekkert plan, engin lausn“ Engin slys á fólki þegar hjólhýsi valt Syrgja fallið kornabarn og fyrsti þúsaldardýrlingurinn Einn fluttur á Landspítalann frá Fjallabaki Kröftug mótmæli brjóti ekki gegn málfrelsi Hringveginum lokað vegna umferðarslyss Þyrlan kölluð út á mesta forgangi Jákvæð gagnvart nýrri atvinnustefnu Frábær og vel heppnuð Ljósanótt Möguleg slit á fríverslunarsamningi við Ísrael tekin fyrir Skoða að rifta fríverslunarsamningi við Ísrael Labubu bangsar ekki lengur velkomnir í Ísaksskóla Fangageymslur fullar eftir erilsama nótt Aðgerðir vegna Gasa, málfrelsi á Íslandi og ný atvinnustefna Ákærðir vegna fölsuðu taflanna tuttugu þúsund „Vona bara að hún grípi til raunverulegra aðgerða sem bíta“ Korn ræktað á um fjögur þúsund hekturum Veltir fyrir sér hvort íslensk íþróttafélög verði af milljörðum Handtekinn undir áhrifum með tvö börn í bílnum Fjölmenn mótmæli og skortur á íslenskukunnáttu þrátt fyrir doktorsnám Ákærðir fyrir hópnauðgun gegn ólögráða stúlku Gullkistan opnuð á Vestfjörðum Sóttu slasaðan ökumann við Surtshelli Gríðarlegur fjöldi á mótmælunum Þjóð gegn þjóðarmorði Tæpir sextíu þúsund fermetrar í eigu ríkisins standa tómir Kennir íslensku en fær ekki ríkisborgararétt að óbreyttu Tvöföldun erlendra fanga á fimm árum: „Þetta er auðvitað gríðarlega hátt hlutfall“ Nöfn myrtra barna verða lesin upp í sjö klukkustundir Eygir vonarneista í fyrsta sinn í marga mánuði Sjá meira