Handbolti

Aron skoraði tíu mörk í fyrsta leik á EM en aðeins þrettán eftir það

Ingvi Þór Sæmundsson skrifar
Evrópumótið 2020 var ansi endasleppt hjá Aroni.
Evrópumótið 2020 var ansi endasleppt hjá Aroni. vísir/epa

Óhætt er að segja að Aron Pálmarsson hafi ekki náð að fylgja frábærri byrjun á EM 2020 eftir.

Aron átti stórkostlegan leik þegar Ísland vann Danmörku, 31-30, í fyrsta leik sínum á mótinu. Hann skoraði tíu mörk, gaf níu stoðsendingar og var besti maður vallarins.

Í næstu sex leikjum Íslands á EM skoraði Aron hins vegar aðeins samtals 13 mörk, eða 2,2 mörk að meðaltali í leik. Í síðustu tveimur leikjum Íslands á mótinu, gegn Noregi og Svíþjóð, skoraði hann aðeins eitt mark.

Næstbesti leikur Arons á EM var í sigrinum á Portúgal þar sem hann skoraði fimm mörk. Hann átti einnig góðan leik þegar Ísland vann Rússland þótt hann væri ekki á meðal markaskorara.

Aron skoraði alls 23 mörk á EM og var markahæstur í íslenska liðinu ásamt Alexander Petersson og Bjarka Má Elíssyni. Skotnýting hans var aðeins 43%.

Þetta er ekki í fyrsta sinn sem Aron byrjar stórmót af krafti en gefur svo eftir, eins og áður hefur verið fjallað um.

Leikir Arons á EM 2020

sigur á Danmörku - 10 mörk í 17 skotum

sigur á Rússlandi - ekkert mark í 3 skotum

tap fyrir Ungverjalandi - 4 mörk í 11 skotum

tap fyrir Slóveníu - 3 mörk í 9 skotum

sigur á Portúgal - 5 mörk í 8 skotum

tap fyrir Noregi - 1 mark í 2 skotum

tap fyrir Svíþjóð - ekkert mark í 3 skotum

Samtals: 23 mörk í 53 skotum (43%)

Markahæstu leikmenn Íslands á síðustu stórmótum

EM 2020

Alexander Petersson 23

Aron Pálmarsson 23

Bjarki Már Elíssson 23

HM 2019

Arnór Þór Gunnarsson 37

EM 2018

Guðjón Valur Sigurðsson 14 Ólafur Guðmundsson 14

HM 2017

Rúnar Kárason 29

EM 2016

Guðjón Valur Sigurðsson 17

HM 2015

Guðjón Valur Sigurðsson 31

EM 2014

Guðjón Valur Sigurðsson 44

HM 2013

Guðjón Valur Sigurðsson 41

ÓL 2012

Guðjón Valur Sigurðsson 44

EM 2012

Guðjón Valur Sigurðsson 41

HM 2011

Alexander Petersson 53

EM 2010

Arnór Atlason 41

ÓL 2008

Snorri Steinn Guðjónsson 48

EM 2008

Guðjón Valur Sigurðsson 34


Tengdar fréttir

Uppgjör Henrys: Draumabyrjun en martraðarendir

Strákarnir okkar hafa lokið keppni á EM. Þeir töpuðu lokaleik sínum í kvöld, 32-25, gegn Svíum. Það vantaði allt malt í okkar menn sem sáu aldrei til sólar í leiknum.

Einkunnir strákanna okkar á móti Svíþjóð: Kári bestur í lokaleiknum

Íslenska handboltalandsliðið tapaði illa í lokaleik sínum í milliriðli á Evrópumeistaramótinu í Svíþjóð, Noregi og Austurríki. Íslenska liðið komst lítið áleiðis gegn Svíum og var í miklum vandræðum allan tímann. Munurinn á endanum var sjö mörk en sigur Svía var aldrei í hættu.




Fleiri fréttir

Sjá meira


×