Handbolti

Hvít-Rússar lítil fyrirstaða fyrir Þjóðverja

Ingvi Þór Sæmundsson skrifar
Þjóðverjar eru komnir með tvö stig í milliriðli I.
Þjóðverjar eru komnir með tvö stig í milliriðli I. vísir/epa

Þýskaland er komið með tvö stig í milliriðli I á EM 2020 í handbolta eftir öruggan sigur á Hvíta-Rússlandi, 23-31, í kvöld.



Þjóðverjar leiddu allan leikinn og náðu snemma góðu forskoti. Um miðjan fyrri hálfleik var staðan 4-11, Þýskalandi í vil. Sami munur var á liðunum í hálfleik, 11-18.



Hvít-Rússar náðu aldrei að velgja Þjóðverjum undir uggum í seinni hálfleik. Þegar yfir lauk munaði átta mörkum á liðunum. Lokatölur 23-31, Þýskalandi í vil.



Timo Kastening nýtti tækifærið í byrjunarliði Þjóðverja vel og skoraði sex mörk úr jafn mörgum skotum. Philipp Weber og Julius Kühn skoruðu fjögur mörk hvor.



Uladzislau Kulesh skoraði sex mörk fyrir Hvít-Rússa og Mikita Vailpau fjögur.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.