Handbolti

Norðmenn léku sér að Ungverjum

Ingvi Þór Sæmundsson skrifar
Sagosen var markahæstur Norðmanna með sjö mörk.
Sagosen var markahæstur Norðmanna með sjö mörk. vísir/epa

Norðmenn rúlluðu yfir Ungverja, 36-29, þegar liðin mættust í milliriðli II á EM í handbolta í dag.



Noregur hefur unnið alla leiki sína á EM og eru með fjögur stig í milliriðlinum. Ungverjaland er með tvö stig.



Norðmenn byrjuðu leikinn miklu betur, skoruðu fyrstu fjögur mörkin og eftir tíu mínútur var staðan 9-2, Noregi í vil.



Eftir rúmar 17 mínútur var munurinn orðinn tíu mörk, 15-5. Norðmenn leiddu svo í hálfleik, 20-12. Noregur skoraði því fleiri mörk í fyrri hálfleik en Ísland gerði í öllum leiknum gegn Ungverjalandi á miðvikudaginn.



Seinni hálfleikurinn var óspennandi enda úrslitin svo gott sem ráðin.



Ungverjar minnkuðu muninn í fjögur mörk, 23-19, en Norðmenn svöruðu með 5-1 kafla og náðu heljartaki á leiknum. Á endanum munaði svo sjö mörkum á liðunum, 36-29.



Sander Sagosen skoraði sjö mörk fyrir Noreg og Göran Johannessen sex.



Bence Nagý og Patrik Ligetvari skoruðu fimm mörk hvor fyrir Ungverjaland.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.