Framlengir reglur um takmarkanir um tólf daga

Atli Ísleifsson skrifar 14. ágúst 2020 07:53

Jacinda Ardern, forsætisráðherra Nýja--Sjálands, kveðst vonast til að búið verði að rekja og einangra nýju smitin í landinu á næstu dögum. EPA

Jacinda Ardern, forsætisráðherra Nýja-Sjálands, hefur framlengt reglur um takmarkanir vegna faraldurs kórónuveirunnar um tólf daga eftir að smittilfellum fjölgaði í 29.

BBC segir frá því að alls séu fjögur viðbúnaðarstig á Nýja-Sjálandi og hafi þriðja viðbúnaðarstig verið við lýði í stórborginni Auckland frá því á miðvikudag. Annars stigs viðbúnaður er í gildi í öðrum hlutum landsins.

Nýja-Sjálandi hefur almennt gengið vel í baráttunni við veiruna og vakti það því athygli þegar smit greindist í landinu fyrr í vikunni eftir 102 daga án smits. Rakning uppruna þessara nýju smita stendur enn yfir.

Ardern sagði viðbrögðin nú vera í takti við rótgróna nálgun Ný-Sjálendinga að bregðast fljótt við aðstæðum og með afgerandi hætti. Sagðist hún fullviss um að að tólf dögum liðnum verði búið að rekja og einangra tilfellin og hægt að lækka viðbúnaðarstigið í Auckland á ný.

Öll tilvikin 29 tengjast smitklasa í Auckland og segir Ardern nú 38 manns vera í sóttkví vegna smitanna.

Nýja-Sjáland Faraldur kórónuveiru (COVID-19)

Tengdar fréttir

Fjórtán ný smit á Nýja-Sjálandi

Heilbrigðisyfirvöld á Nýja-Sjálandi hafa skráð fjórtán ný tilfelli kórónuveirunnar í landinu, degi eftir að hertar aðgerðir tóku gildi í í Auckland, stærstu borg landsins.

13. ágúst 2020 07:50

Fjórtán ný smit á Nýja-Sjálandi

Heilbrigðisyfirvöld á Nýja-Sjálandi hafa skráð fjórtán ný tilfelli kórónuveirunnar í landinu, degi eftir að hertar aðgerðir tóku gildi í í Auckland, stærstu borg landsins.

13. ágúst 2020 07:50

Fyrsta smitið í landinu í 102 daga

Nýtt kórónuveirusmit hefur greinst á Nýja-Sjálandi, en um er að ræða fyrsta smitið í landinu í 102 daga.

11. ágúst 2020 10:05

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.