Innlent

Kominn úr öndunarvél

Stefán Ó. Jónsson skrifar
Þórólfur Guðnason, sóttvarnalæknir, greindi frá þessu í dag.
Þórólfur Guðnason, sóttvarnalæknir, greindi frá þessu í dag. Vísir/Vilhelm

Sá einstaklingur sem hefur verið inniliggjandi á gjörgæslu Landspítalans með kórónuveirusmit er laus úr öndunarvél. Þetta kom fram í máil Þórólfs Guðnasonar sóttvarnalæknis á upplýsingafundi almannavarna í dag. Sjúklingurinn er þó ennþá á spítala, er kominn á almenna deild, og er sá eini sem liggur þar inni eftir kórónuveirusmit.

Þórólfur sagði jafnframt að helmingur þeirra sem greindust með smit síðasta sólarhring hafi ekki verið í sóttkví, þrír af sex. Tvö greindust í Vestmannaeyjum, þar af annar eftir miðnætti og mun sá því koma fram í tölum sem birtast á morgun. 

Sóttvarnalæknir vakti jafnframt athygli á þeim mikla fjölda sýna sem bárust sýkla- og veirufræðideild Landspítalans, næstum 700 talsins. Þau hafi borist frá fólki sem telur sig finna fyrir einkennum kórónuveirusmits, en aðeins 0,9 prósent sýna reyndust bera þess konar sýkingu með sér.

Það er því mat Þórólfs að aðrar pestir séu byrjaðar að ganga. Það sé alvanalegt enda haustið með öllum sínum sýkingum að nálgast. 

Alls hafa 127 manns greinst frá 15. júní, þegar skimað var fyrir veirunni á landamærunum. Af þessum hafa 120 manns veikst í hópsýkingunni sem mest hefur verið talað um að undanförnu. 



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.