Innlent

Hvassviðri á Snæfellsnesi í kvöld

Hallgerður Kolbrún E. Jónsdóttir skrifar
Það gæti orðið nokkuð hvasst á norðanverðu Snæfellsnesi í kvöld.
Það gæti orðið nokkuð hvasst á norðanverðu Snæfellsnesi í kvöld. Vísir/Vilhelm

Björtu veðri er spáð í dag með frekar hægri vestlægri átt en dálitlum skúrum á Norðausturlandi. Hiti á bilinu 10-15 stig, en allt að 18 stig á Suðaustur- og Austurlandi. Hæg vaxandi sunnanátt síðdegis, allt að 10-15 m/s í kvöld.

Rigna fer um vestanvert landið en heldur hvassara verður á norðanverðu Snæfellsnesi, vindhviður geta náð upp í allt að 30 m/s sem getur verið talsvert varasamt.

Á morgun er spá sunnan og suðvestanátt, um 10-18 m/s og verður hvassast norðantil. Vindhviður gætu farið yfir 25 m/s á þeim slóðum. Þá verður talsverð rigning, ef spár ganga eftir, á vestanverðu landinu og hiti á bilinu 10-15 stig. Úrkomulítið norðaustan- og austanlands og hlýtt. Þar nær hiti líklega allt að 25 stigum.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.