Erlent

Reyna að hefta út­breiðslu olíu eftir stór­felldan leka

Atli Ísleifsson skrifar
Skipið, MV Wakashio, strandaði á kóralrifi í Indlandshafi þann 25. júlí síðastliðinn og síðan hafa mörg tonn af olíu lekið úr skipinu.
Skipið, MV Wakashio, strandaði á kóralrifi í Indlandshafi þann 25. júlí síðastliðinn og síðan hafa mörg tonn af olíu lekið úr skipinu. AP

Sjálfboðaliðar á Máritíus gera nú allt til að reyna að hefta útbreiðslu olíu í sjónum eftir stórfelldan leka úr japönsku flutningaskipi sem strandaði undan strönd landsins í síðasta mánuði.

Skipið, MV Wakashio, strandaði á kóralrifi í Indlandshafi þann 25. júlí síðastliðinn og síðan hafa mörg tonn af olíu lekið úr skipinu.

Stórbritin kóralrif er að finna undan ströndum Máritíusar og ferðast margir til landsins gagngert til að kafa, en ferðaþjónusta er ein mikilvægasta atvinnugrein landsins.

Margir hafa lýst yfir miklum áhyggjum af þeim áhrifum sem olíulekinn kann að hafa á vistkerfið á svæðinu.

Mikið magn olíu hefur skolað á land.AP

Sjálfboðaliðar vinna hörðum höndum að því að hreinsa strandirnar þar sem olíunni hefur skolað á land og hafa þeir meðan annars komið fyrir stráum og öðrum gróðri í sjónum í þeim tilgangi að það drekki í sig olíuna.

Forstjóri japanska skipafélagsins Mitsui OSK Lines, sem gerir út MV Wakashio, baðst í morgun afsökunar á slysinu.

Áætlað er að þúsund tonn af olíu hið minnsta hafi lekið úr skipinu. Búið er að ná 500 tonnum af olíu úr skipinu en áætlað er að um 2.500 tonn sé þar enn að finna.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×