Innlent

Fleiri innan­lands­smit stað­fest eftir há­degi

Sylvía Hall skrifar
Kamilla Sigríður Jósefsdóttir, staðgengill sóttvarnalæknis.
Kamilla Sigríður Jósefsdóttir, staðgengill sóttvarnalæknis. Lögreglan

Fimm til tíu innanlandssmit greindust eftir hádegi í dag og tengjast sum þeirra eldri smitum sem hafa komið upp. Önnur hafa ekki þekktar tengingar við eldri smit.

Þetta staðfestir Kamilla Sigríður Jósefsdóttir, staðgengill sóttvarnalæknis, í samtali við mbl.is fyrr í kvöld. Hún segir nákvæman fjölda smita ekki liggja fyrir að svo stöddu.

Tíu innanlandssmit greindust í gær.

Tvær hópsýkingar hafa komið upp á undanförnum dögum en þær hafa ýmsa anga. Til að mynda vissu sumir þeirra sem greindust síðasta sólarhringinn ekki að þeir hefðu tengsl við smit heldur fóru í sýnatöku vegna einkenna.

Einn liggur á sjúkrahúsi vegna Covid-19 en um er að ræða fyrstu innlögn sjúklings vegna kórónuveirunnar frá því um miðjan maí. Sá er eldri borgari og telst því vera í áhættuhópi.

Faraldur kórónuveiru (COVID-19)

Tengdar fréttir

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið