Gullverð nær nýjum hæðum

Gunnar Reynir Valþórsson skrifar 27. júlí 2020 07:58

Verð á gulli náði methæðum í morgun. Vísir/Getty

Gullverð hefur snarhækkað síðustu daga. Í morgun náði það methæðum og stendur nú í 1.926 dollurum á hverja únsu, sem gera um 262 þúsund íslenskar krónur.

Á föstudaginn var eldra met, sem staðið hafði frá árinu 2011, slegið og í morgun hefur hækkunin haldið áfram.

Verð á gulli og silfri og öðrum góðmálmum hefur hækkað mikið undanfarið og eru þær hækkanir raktar til óvissu í heimsmálunum, spennunnar á milli Bandaríkjanna og Kína og ekki síst kórónuveirufaraldursins og efnahagskreppunnar sem hann hefur leitt af sér.

Viðskipti

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.