Innlent

Ekkert virkt smit á landamærunum

Kristín Ólafsdóttir skrifar
Jákvæð sýni voru þrjú en allir reyndust með mótefni.
Jákvæð sýni voru þrjú en allir reyndust með mótefni. Þorkell Þorkelsson/Landspítali háskólasjúkrahús

Enginn greindist með virkt kórónuveirusmit við skimun á landamærum síðasta sólarhringinn. Sýni úr þremur var jákvætt en allir eru þeir með mótefni, samkvæmt nýuppfærðum tölum á Covid.is. Alls eru ellefu nú í einangrun vegna veirunnar á landinu, 92 eru í sóttkví og staðfest smit frá upphafi faraldurs eru 1.914.

Þá voru 1.918 sýni tekin við skimun á landamærunum í gær og 132 á sýkla- og veirufræðideild Landspítalans. Ekkert innanlandssmit hefur greinst síðan í byrjun mánaðar. Við landamærin hafa alls greinst 93 jákvæð sýni frá því að skimun hófst 15. júní en þar af eru aðeins 14 virk smit.

Upplýsingafundur almannavarna og landlæknisembættisins vegna veirunnar verður á sínum stað klukkan 14 í dag. Þórólfur Guðnason sóttvarnalæknir og Páll Þórhallsson, verkefnastjóri í forsætisráðuneytinu, fara yfir stöðu mála varðandi opnun landamæra og Covid-19 hér á landi ásamt Rögnvaldi Ólafssyni, aðstoðaryfirlögregluþjóni. Sýnt verður beint frá fundinum hér á Vísi og á sjónvarpsstöðinni Stöð 2 Vísir.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.