Sport

Sérhannaði VW bíllinn hennar Söru er með 300 hestöfl

Óskar Ófeigur Jónsson skrifar
Sara Sigmundsdóttir sótti nýja bílinn sinn í umboðið í gær.
Sara Sigmundsdóttir sótti nýja bílinn sinn í umboðið í gær. Mynd/Instagram

CrossFit konan Sara Sigmundsdóttir gerði samning við Volkswagen umboðið í miðjum kórónuveirufaraldri og hluti af þessum samningi var að fá sérhannaðan bíl. Sara er nú komin með lyklana í hendurnar.

Sara Sigmundsdóttir var valin til að vera sendiherra Volkswagen R bílsins í vor. Sara var valin af því að hún þykir vera mjög góð fyrirmynd góðra kosta eins og að hafa gott úthald en geta einnig tekist á við fjölbreytt og krefjandi verkefni.

„Ég er fyrsta manneskjan í CrossFit til að fá svona risafyrirtæki til að styrkja mig og vera sendiherra fyrir Volkswagen. Þetta er svakalegt,“ sagði Sara Sigmundsdóttir eftir að hún gerði samninginn sinn.

„Mér finnst þetta ekki vera ég og er ennþá bara í skýjunum yfir þessu. Ég er sú fyrsta til að fá bílastyrktaraðila í CrossFit heiminum,“ sagði Sara. Það var í apríl og í gær sótti hún bílinn sem var hluti af samningnum.

View this post on Instagram

The day has arrived. My custom made @vwr T-ROC R ?? is here and I just got back home from picking it up. It s everything I hoped for and more?? Apart from being absolutely beautiful it is also the most powerful car that I have ever driven. It is 300 horsepower but yet it is so light and easy to handle. It s perfect for my lifestyle and it is perfect for the rugged landscapes here in Iceland. It s 4wd and a bit taller than most regular cars so once the winter comes there will be nothing to worry about either. Look forward to the coming weeks where I am planning to do many different outdoor activities, some of which that can only be reached pretty bad dirt roads. In this car - no problem! #trocr #volkswagenr #beautifullystrong #vwr #igotthepower

A post shared by Sara Sigmundsdo´ttir (@sarasigmunds) on

„Sérhannaði Volkswagen T-ROC R bílinn minn er kominn og ég var að koma frá því að sækja hann. Hann er allt sem ég vonaðist eftir og meira,“ skrifaði Sara á Instagram síðuna sína.

„Fyrir utan að vera rosalega fallegur þá er þetta einnig kraftmesti bíllinn sem ég keyrt. Hann er með 300 hestafla vél en samt svo léttur og auðveldur í akstri. Þetta er fullkominn bíll fyrir minn lífsstíl og hann er líka fullkomin fyrir hið harðgerða landslag hér á Íslandi,“ sagði Sara.

„Hann er með drif á öllum hjólum og er aðeins hærri en venjulegir bílar. Þegar veturinn kemur hingað þá þarf ég ekki að hafa áhyggjur af neinu heldur,“ sagði Sara.

„Ég hlakka til komandi vikna þar sem ég hef planað að eyða miklum tíma utandyra. Á suma staðina er aðeins hægt að koma með því að keyra slæma malarvegi. Það verður ekkert vandamál fyrir mig á þessum bíl,“ sagði Sara.

Það er spurning hvort fleiri vilji nú fá svona bíl eins og Sara ekur og þá hlýtur að vera nóg að biðja um Söru bílinn í umboðinu.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.