Vilius Rasimas, landsliðsmarkvörður Litháens, er genginn í raðir Selfoss.
Rasimas, sem er þrítugur, kemur til Selfoss frá Aue í Þýskalandi. Á síðasta tímabili var hann með 21% hlutfalls markvörslu í þýsku B-deildinni.
Vilius Ra imas mætir í borgina á sléttunni. Við bjóðum þennan þrítuga landsliðsmarkmann Litháen velkominn!#handbolti #selfosshandbolti #olisdeildin #handkastid pic.twitter.com/N87GdQsrNr
— Selfoss handbolti (@selfosshandb) July 10, 2020
Á síðasta tímabil var Selfoss með verstu hlutfalls markvörsluna í Olís-deild karla, eða 26,9%.
Selfoss var í 5. sæti deildarinnar þegar keppni var hætt vegna kórónuveirufaraldursins. Selfyssingar urðu Íslandsmeistarar í fyrsta sinn á þarsíðasta tímabili.
Auk Rasimas hefur Selfoss fengið Guðmund Hólmar Helgason frá West Wien í Austurríki. Þá hefur Halldór Sigfússon tekið við þjálfun liðsins af Grími Hergeirssyni.
Selfyssingar eru hins vegar búnir að missa landsliðsmanninn Hauk Þrastarson til pólska liðsins Kielce.
