Einn greindist á landamærunum

Hallgerður Kolbrún E. Jónsdóttir skrifar 21. júní 2020 13:06

Átta virk smit eru á landinu og fjölgar þeim um eitt milli daga. Eitt smit greindist í landamæraskimun en alls voru 961 skimaðir.

64 sýni voru rannsökuð á sýkla- og veirufræðideild Landspítalans og ekkert hjá íslenskri erfðagreiningu. Ekkert af þeim reyndist jákvætt.

Staðfest smit hér á landi eru því 1.823, þarf af átta virk líkt og áður sagði. 1.805 hafa náð bata en tíu hafa látist.

Enginn liggur á sjúkrahúsi vegna veirunnar en 344 eru í sóttkví, og fækkar þeim um um það bil 130 milli daga. 22.236 hafa lokið sóttkví og 68.411 sýni hafa verið tekin.

Faraldur kórónuveiru (COVID-19)

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.