Munu ekki ganga í störf hjúkrunarfræðinga

Sylvía Hall skrifar 18. júní 2020 15:29

Fyrirhugaðar verkfallsaðgerðir hefjast þann 22. júní náist samningar ekki. vísir/vilhelm

Hjúkrunarfræðinemar við Háskóla Íslands og Háskólann á Akureyri hafa sent frá sér stuðningsyfirlýsingu við kjarabaráttu hjúkrunarfræðinga. Nemarnir lofa því að þeir muni ekki ganga í störf þeirra ef til verkfalls kemur.

Nemarnir lýsa yfir fullum stuðningi við hjúkrunarfræðinga í verkfallsaðgerðunum og hvetja ríkið til þess að verða við „eðlilegum kröfum um laun í samræmi við menntun og ábyrgð“ og útrýma kynbundnum launamun.

Jafnframt hafi mikilvægi hjúkrunarfræðinga sannað sig undanfarna mánuði. Öllum sé ljóst að þeir séu mikilvægur hluti af öflugu heilbrigðiskerfi Íslendinga.

Fundi samninganefnda ríkisins og hjúkrunarfræðinga í húsakynnum ríkissáttasemjara var slitið um klukkan 13:30 í dag og hefur verið boðað til annars fundar klukkan 10 í fyrramálið.

Að óbreyttu hefjast verkfallsaðgerðir þann 22. júní næstkomandi.

Heilbrigðismál Kjaramál Verkföll 2020

Tengdar fréttir

Boðað til annars fundar á morgun

Fundi samninganefnda ríksins og hjúkrunarfræðinga í húsakynnum ríkissáttasemjara var slitið um klukkan 13:30 í dag.

18. júní 2020 14:00

„Tónn“ hjúkrunarfræðinga varðandi launahækkun sjúkraliða kom Bjarna á óvart

Logi Einarsson, þingmaður Samfylkingar, og Bjarni Benediktsson fjármálaráðherra tókust á í óundirbúnum fyrirspurnatíma nú í morgun varðandi kjaradeilur hjúkrunarfræðinga.

18. júní 2020 11:06

Vika í fyrirhugað verkfall hjúkrunarfræðinga

Samninganefndirnar funda hjá ríkissáttasemjara klukkan 14 í dag.

15. júní 2020 13:05

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.