Viðskipti erlent

Innleysa útistandandi hluti í Heimavöllum

Tryggvi Páll Tryggvason skrifar
Heimavellir sérhæfir sig í útleigu íbúða.
Heimavellir sérhæfir sig í útleigu íbúða. Vísir/VIlhelm

Hið norska félag Fredensborg ICE ehf hefur eignast 99,45 prósent hlutafjár í Heimavöllum eftir uppgjör á yfirtökutilboði félagsins til hluthafa félagsins fór fram. 242 hluthafar tóku tilboðinu og mun Fredensborg nýta heimild til þess að innleysa útistandandi hluti í Heimavöllum.

Greint var frá því í mars síðastliðnum að Fredensborg ICE ehf, dótturfélag hins norska Fredensborg AS, hafi keypt næstum tvo þriðju hluta í Heimavöllum, sem sérhæfir sig í útleigu íbúða. Í framhaldi af kaupunum gerði félagið öðrum hluthöfum yfirtökutilboð á genginu 1,5 á hlut.

Í tilkynningu til kauphallar segir að alls hafi 242 hluthafar sem áttu samtals 2.735.828.198 hluti í Heimavöllum, eða sem nemur 24,32 prósent hlutafjár í félaginu, tekið tilboðinu.

Eignarhlutur Fredensborg ICE ehf. nam 73,93 prósent fyrir tilboðið en mun nema 98,25% af heildarhlutafé við uppgjör viðskipta eða 99,45% þegar leiðrétt hefur verið fyrir eigin hlutum, að því er fram kemur í tilkynningunnni. Hluthafar sem tóku tilboðinu fá greitt með reiðufé og fer greiðsla fram eigi síðar en þann 22. júní næstkomandi í samræmi við skilmála tilboðsins.

Eftir uppgjörið hefur Fredensborg ICe eignast meira en 9/10 hlutafjár og atkvæðisréttar í Heimavöllum. Í tilkynningunni segir að félagið hafi, ásamt stjórn Heimavalla, ákveðið að beita innlausnarrétti samkvæmt lögum um verðbréfaviðskipti. Mun hluthöfum Heimavalla hf., sem innlausnin tekur til, verða send tilkynning um innlausnina á næstu dögum.

Innlausnarverðið er 1,5 kr. fyrir hvern hlut í Heimavöllum hf. og greitt verður fyrir hlutina með reiðufé. Er um að ræða sama verð og Fredensborg ICE ehf. bauð hluthöfum Heimavalla hf. í yfirtökutilboði sem lauk 15. júní, að því er segir í tilkynningunni. Fredensborg ICE hefur í hyggju að afskrá Heimavelli af aðalmarkaði NASDAQ OMX Iceland.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ICEAIR
5,59
80
235.191
MAREL
2,68
29
528.257
SIMINN
2,45
11
203.811
ICESEA
1,5
3
27.586
LEQ
1,43
1
24.996

Mesta lækkun dagsins


Félag
Br.%
Fjöldi
Velta*
EIK
-1,03
1
775
ARION
-0,31
17
247.934
REGINN
-0,19
1
52.400
BRIM
-0,18
4
50.977
REITIR
0
5
17.758
Velkomin á Vísi. Þessi vefur notar vafrakökur. Sjá nánar.