Innlent

Nágrannar hjálpuðu við að slökkva sinueldinn

Kristín Ólafsdóttir skrifar
Reykjarmökkurinn yfir svæðinu var þykkur um kvöldmatarleytið.
Reykjarmökkurinn yfir svæðinu var þykkur um kvöldmatarleytið. Vísir/Sylvía

Búið er að slökkva mikinn gróðureld sem kviknaði við Ásvelli í Hafnarfirði á sjöunda tímanum í kvöld. Allt tiltækt slökkvilið og aðrir viðbragðsaðilar voru sendir á vettvang og mikinn reyk lagði yfir svæðið á tímabili.  Nágrannar hjálpuðu til við að slökkva eldinn.

Tilkynnt var um brunann um klukkan hálf sjö og slökkvilið kom á vettvang skömmu síðar. Um „heilmikinn“ bruna var að ræða, að sögn varðstjóra hjá slökkviliðinu á höfuðborgarsvæðinu. Slökkvilið náði tökum á eldinum um áttaleytið og um fimmtán mínútum síðar var búið að slökkva hann. Nú er unnið að því að tryggja að ekki kvikni aftur eldur á svæðinu. 

Vettvangurinn er langt frá vegi og því þurfti að leggja langar slöngur frá dælubílum og að brunanum. Íbúar í nágrenninu aðstoðuðu slökkvilið við að ráða niðurlögum eldsins og notuðu svokallaðar „klöppur“ sem iðulega er beitt við sinubruna til að berja niður eldinn.

Þá var nokkuð hvasst á vettvangi sem gerði brunann erfiðan við að etja. Varðstjóri gat ekki sagt til um það hversu stórt svæði var undirlagt brunanum.

Fréttin var uppfærð klukkan 21:04.

Vatni sprautað yfir svæðið.Vísir/Sylvía
Unnið á vettvangi.Vísir/Sylvía
Hvasst er á svæðinu og því erfitt að eiga við brunann.Vísir/Sylvía
Reykurinn sást úr talsverðri fjarlægð fyrr í kvöld.Vísir/Sylvía

Tengdar fréttir



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.