Sport

Dagskráin í dag: Stórmeistaramótið í CS hefst, Sportið í dag og fallbyssur velja bestu mörkin sín

Sindri Sverrisson skrifar
Það verður keppt á Stórmeistaramóti Vodafone-deildarinnar í CS:GO í kvöld og um helgina.
Það verður keppt á Stórmeistaramóti Vodafone-deildarinnar í CS:GO í kvöld og um helgina.

Beinum útsendingu frá íþróttaviðburðum hefur snarfækkað vegna útbreiðslu kórónuveirunnar eins og gefur að skilja. Til að mæta því hafa Stöð 2 Sport og hliðarrásir verið dagskrársettar með nýju dagskrárefni og endursýningum af safnefni til að stytta íþróttaþyrstum stundirnar.

Sportið í dag er á dagskrá á Stöð 2 Sport alla virka daga klukkan 15.00. Upptökur af fyrri þáttum má nálgast á sjónvarpsvef Stöðvar 2. Stöð 2 Sport er hluti af Sportpakkanum.

Kjartan Atli og Henry Birgir verða í góðum föstudagsgír í Sportinu í dag, í síðasta þættinum fyrir sumarfrí.  Á Stöð 2 Sport í kvöld verður svo nýr þáttur af Topp 5, þar sem að þeir Guðmundur Steinarsson, Þórir Guðjónsson og Guðjón Pétur Lýðsson munu velja sín bestu mörk á ferlinum. Á meðal annars efnis á stöðinni verður bikarleikur Manchester United og Arsenal frá árinu 2008 og fleiri eftirminnilegir fótboltaleikir, viðtalsþáttur með Jóni Arnóri Stefánssyni frá því í vor, og fleira til.

Stöð 2 Sport 2

Nú þegar styttist í að Íslandsmótið í fótbolta hefjist er við hæfi að rifja upp tilþrif helstu goðsagna efstu deildar í gegnum tíðina, en þáttaröðin Goðsagnir verður sýnd á Stöð 2 Sport 2 í dag. Þar verða einnig sýndir leikir ÍR og KR í úrslitum Domino's-deildar karla í körfubolta í fyrra, og pílukastmótið PDC Home Tour.

Stöð 2 Sport 3

Barnamótin í fótbolta verða áberandi á Stöð 2 Sport 3 en þar verða einng sýndir sígildir leikir úr íslenskum körfubolta og kraftakeppnir.

Stöð 2 eSport

Í kvöld verður bein útsending frá fyrra kvöldinu í 8-liða úrslitum Stórmeistaramóts Vodafone-deildarinnar í Counter-Strike. Útsendingin hefst kl. 18 og er áætlað að hún standi yfir til kl. 23.

Stöð 2 Golf

Á Stöð 2 Golf verður þáttur um PGA-mótaröðina 2018, útsending frá Opna breska meistaramóti kvenna árið 2018, og Opna breska í fyrra.

Útsendingar dagsins má finna á heimasíðu Stöðvar 2.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.