Lífið samstarf

Öflugar vörur við hárlosi frá Kérastase Paris

Regalo
Emily Ratajkowski er andlit Kérastase Paris
Emily Ratajkowski er andlit Kérastase Paris

Yfir 88% kvenna segjast hafa fundið fyrir hárlosi á lífsleiðinni og af þeim eru 40% um 35 ára.* Fríða Rut Heimisdóttir, hárgreiðslumeistari og eigandi Regalo ehf heildsölu segir að tilfinningarnar sem kvikna hjá konum við hárlos séu margvíslegar, þær algengustu eru áhyggjur.

,,90% þeirra sem upplifa hárlos meðhöndla það ekki en það er þó hægt. Spurðar af hverju voru sögðu konurnar margs konar tilfinningarnar sem fylgdu hárlosinu, sumar sögðust leiðar, aðrar fundu fyrir kvíða og áhyggjum og skammast sín og margar vissu ekki hvert best væri að leita og fá upplýsingar.“

En hvað er hárlos?

,,Lífsferill hárs er einfaldur, það vex , dettur svo af og nýtt hár tekur að vaxa. Langoftast detta hárin af jafnt og þétt og vaxa sömuleiðis. En hárlos er almennt hægt að skipta í tvennt, það að missa hár og fá það aftur og eða missa hár og fá það ekki aftur, það kallast skallamyndun. Þættir sem ráða hárlosi geta verið margs konar s.s. erfðir, hormónavandamál og öldrun. Eins geta áföll valdið (skyndilegu) hárlosi, slys og ýmsir sjúkdómar og meðferðir við þeim, t.d. geisla-eða lyfjameðferðir. Við mikil veikindi eða álag getur hárlos orðið meira en ella. Þetta sést hjá þeim sem hafa lent í því að veikjast alvarlega. Hárlosið verður þó oft ekki strax í kjölfar veikindanna, heldur 3-6 mánuðum seinna. Dæmi um kvilla sem geta valdið hárlosi er járnskortur og truflun á starfsemi skjaldkirtils. Öðru máli gegnir ef hárlos dreifist ójafnt um höfuðið, þannig að há kollvik myndast eða skallatungl. Í þeim tilvikum ætti viðkomandi að leita læknis og ef um konu er að ræða að láta athuga hormónastarfsemina. Þá geta sum lyf haft hárlos sem aukaverkun. Hárlos margra tengdist lífsstíl og öðrum tengdum hlutum eins og meðgöngu,“ segir Fríða Rut og heldur áfram.

,,Hárið er oft óvenju þykkt og ræktarlegt á meðgöngu en u.þ.b. hálfu ári eftir fæðingu verður mikið hárlos og hárið rytjulegt. Það eru breytingar á hormónum og þá sérstaklega estrogeni sem hefur þau áhrif að það eru engin hár sem falla heldur bætast í sífellu við ný hár í hársverðinum. Eftir meðgöngu ganga þessi hormón til baka og við missum mikið af meðgönguestragoninu. Það góða við þessa tegund af hárlosi að það er tímabundið.“

Klippa: Emily Ratajkowski Dont be afraid

Hægt að örva hárvöxt

Fríða Rut segir ýmislegt hægt að gera til að örva hárvöxt.

,,Hágæða hárvörurnar Kérastase Paris sem eru í eigu L´oreal group setti nýverið á markað sérhannaða línu sem hjálpar til við að sporna gegn hárlosi. Línan samanstendur af sjampó, næringu, djúpnæringu og 6 vikna meðferðadropum sem notað er heima fyrir til að vinna á hárlosi og styrkja hár og hársvörð sem er það mikilvægasta í meðferðinni. Droparnir eru notaðir daglega og settir í hársvörðinn til að koma í veg fyrir að kollagen herðist og að hárið falli. Einnig inniheldur línan hitavörn til að verja hárið ásamt fagmeðferð sem hægt er að fá á Kérastase hárgreiðslustofum þar sem hár og hársvörður er hreinsaður vel með sérstöku dufti sem blandað er í sjampó til að ná úr hárinu öllum umhverfisþáttum, efnaleifum og þess háttar til að hefja hárlosarmeðferð. Rannskóknardeild Kérastase sýndi þær niðurstöður að með því að meðhöndla hárlos og nota línuna saman fundu 93.3 % þátttakenda mikinn mun. Hárið brotnaði síður og hárlos varð minna.“

Fríða Rut segir að gott sé að nota sérstaka sérhannaða línu sem er mild,  með það í huga að vinna á hárlosi og til að draga úr því eins og hægt er. Mikilvægt er að taka inn vítamín og steinefni sem örva hárvöxt.

„Eitt af því mikilvægasta sem hárið þarf er bíotín til að halda bæði húð og hári heilbrigðu en bíótín er þekkt fyrir að örva hárvöxt,“ segir Fríða. „Þá er kísill mikilvægt steinefni fyrir hárið og einnig hafa Kollagen duftblöndur reynst vel. Fitusýrur fyrirbyggja þurrk bæði í hársverði og hárinu sjálfu og B-vítamín eru mikilvæg til að halda hárvexti og hári heilbrigðu. Við hárlosi mæli ég með innstöku Sugarbearhair sem er með hátt hlutfall bíótíns ásamt öllum þeim vítamínum sem þarf til að stuðla að heilbrigðu hári.“

*Rannsókn gerð í ágúst 2019 af Loreal R&I og náði til kvenna í 9 löndum. 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.