Erlent

Stærsta stökkið í fjölda smita síðustu fimm­tíu daga

Atli Ísleifsson skrifar
Nú eru staðfest tilfelli í Suður-Kóreu orðin 11.256 og eru 269 dauðsföll þar rakin til Covid-19.
Nú eru staðfest tilfelli í Suður-Kóreu orðin 11.256 og eru 269 dauðsföll þar rakin til Covid-19. Chung Sung-Jun

Fjörutíu ný tilfelli kórónuveirunnar voru staðfest í Suður-Kóreu síðasta sólarhringinn og er það stærsta stökk í fjölda smita á einum degi í fimmtíu daga samfellt.

Í frétt Guardian segir að óttast sé að faraldurinn sé að taka við sér þar á nýju en Suður-Kórea hefur verið tekið sem dæmi um land þar sem vel hefur gengið að vinna bug á faraldrinum en þar hefur smitrakningu verið beitt með góðum árangri.

Nú eru staðfest tilfelli í Suður-Kóreu orðin 11.256 og eru 269 dauðsföll rakin til Covid-19.

Langflest nýju tilfellin hafa komið upp í höfuðborginni Seúl og hafa þau þegar verið rakin til næturklúbba, karíókí-staða og vöruhúss netverslunar. Þrjú smitana eru síðan rakin til fólks sem var að koma erlendis frá.

Óttast er að þetta geti sett strik í reikninginn hjá landsmönnum þar sem lífið hefur verið að færast í samt lag að nýju síðustu daga og vikur. Í dag áttu til að mynda tvær milljónir skólabarna að setjast aftur á skólabekk eftir langt hlé.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.