Innlent

Kvöldfréttir Stöðvar 2 í beinni útsendingu

Kristín Ólafsdóttir skrifar

Útbreiðsla kórónuveirunnar og ákvörðun Bandaríkjastjórnar um þrjátíu daga ferðabann hefur haft gríðarlegar afleiðingar um allan heim.

Forsætisráðherra hefur óskað eftir símafundi við forseta Bandaríkjanna vegna ákvörðunar hans um að banna flug frá Íslandi til Bandaríkjanna og hefur komið mótmælum íslenskra stjórnvalda á framfæri við Hvíta húsið. Í kvöldfréttum Stöðvar 2 verður fjallað ítarlega um stöðuna bæði hér á landi og erlendis. Á annað hundrað hafa greinst með veiruna hér á landi.

Ljóst er að áhrifin á efnahagslífið verða afdrifarík og ekki hvað síst á ferðaþjónustuna en rætt verður meðal annars við framkvæmdastjóra Samtaka ferðaþjónustunnar í beinni útsendingu. Strax að loknum fréttum fer fram borgarafundur í beinni útsendingu á Stöð 2.

Við heyrum einnig í íbúum í Grindavík í fréttatímanum sem fundu vel fyrir öflugum jarðskjálfta sem þar reið yfir í morgun.

Kvöldfréttir Stöðvar 2
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið