Innlent

Fyrsta nýja smitið í viku

Kjartan Kjartansson skrifar
Lítið sem ekkert hefur verið um ný smit á Íslandi undanfarnar vikur.
Lítið sem ekkert hefur verið um ný smit á Íslandi undanfarnar vikur. Ljósmynd/Landspítali/Þorkell

Einn greindist með kórónuveiruna síðasta sólarhringinn hér á landi, það fyrsta í viku, samkvæmt nýjum tölum á Covid.is. Staðfest smit eru því 1.803 talsins frá upphafi faraldursins. Þá eru virk smit á landinu fjögur.

Sá sem greindist var ekki í sóttkví en um er að ræða fyrsta smitið utan sóttkvíar í tvær vikur.

Enginn liggur inni á sjúkrahúsi með Covid-19 þessa stundina og hafa 1.789 náð bata. Fólki í sóttkví fjölgar hins vegar á milli daga annan daginn í röð, úr 727 í 828. Alls hafa nú 20.132 lokið sóttkví og 57.628 sýni verið tekin.

Tíu hafa látist af völdum veirunnar.

Almannavarnadeild ríkislögreglustjóra boðar til upplýsingafundar klukkan 14:00 í dag. Þórólfur Guðnason, sóttvarnalæknir og Víðir Reynisson, yfirlögregluþjónn fara þar yfir stöðu mála með tilliti til COVID-19 hér á landi. Gestur fundarins verður Bjarnheiður Hallsdóttir, formaður stjórnar Samtaka ferðaþjónustunnar.

Faraldur kórónuveiru (COVID-19)
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið