Viðskipti erlent

Mokaði inn pening með því að panta eigin pítsur

Tryggvi Páll Tryggvason skrifar
Girnileg pítsa.
Girnileg pítsa. Unsplash/Aurélien Lemasson-Théobald

Eigandi pítsustaða í Bandaríkjunum halaði inn pening þegar hann komst að því að fyrirtæki sem býður upp á heimsendingar á mat frá veitingastöðum rukkaði viðskiptavini sína minna fyrir pítsu en hún kostaði á veitingastaðnum, á sama tíma og pítsustaðurinn fékk fulla greiðslu.

BBC greinir frá en í frétt breska fjölmiðilsins segir að í mars á síðasta ári hafi eigandi pítsustaðarins fengið kvartanir um að heimsendingar frá pítsustöðum hans væru ekki að berast. Þetta þótti honum undarlegt þar sem pítsustaðir hans bjóða ekki upp á heimsendingar.

Skömmu síðar komst hann að því að bandaríska fyrirtækið DoorDash, sem sérhæfir sig í heimsendingum á mat frá veitingastöðum, hafði farið að bjóða upp á heimsendingar frá pítsustöðum eigandans, án þess að ræða það við hann.

Þá tók eigandinn einnig eftir því að DoorDash rukkaði viðskiptavini sína aðeins 16 dollara, um 2.200 krónur fyrir eina af pítsunum á matseðlinum. Sama pítsa kostar 24 dollara á pítsustöðunum, um 3.400 krónur.

Eigandinn sá sér því leik á borði, pantaði tíu pítsur fyrir 160 dollara, um 22 þúsund krónur, í gegnum DoorDash og lét senda þær til vinar síns. Pítsastaðurinn fékk svo greiðslu frá DoorDash upp á 240 dollara, um 34 þúsund krónur.

Raunar fór hann með þetta lengra og hélt eigandinn áfram að panta pítsurnar heim til vinar síns, nema hvað hann lét starfsmenn sína útbúa þær pítsur þannig að á þeim væru engin álegg, allt til þess að hámarka gróðann.

Reiknuðu þeir félagar út að með þessari aðferð, að panta tíu pítsur í gegnum DoorDash og setja ekkert álegg á þær, gæti eigandinn tekið inn 75 dollara, rétt tæplega ellefu þúsund krónur, í hreinan gróða á hverri pöntun. Prófuðu þeir nokkrar svona pantanir í nokkrar vikur, allt til þess að sjá hvort að DoorDash myndi sjá í gegnum þá. Svo reyndist ekki vera.

Svo virðist sem að DoorDash hafi niðurgreitt pítsuna sem hluti af markaðsherferð til þess að geta sýnt eigenda veitingastaðarins fram á það að það væri eftirspurn eftir heimsendingum, svo að hann myndi kaupa heimsendingarþjónustu af fyrirtækinu.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ISB
4,65
762
1.741.496
ICEAIR
4,29
54
145.354
EIM
1,25
10
28.167
REITIR
1,15
19
572.613
ARION
1,04
51
1.504.208

Mesta lækkun dagsins


Félag
Br.%
Fjöldi
Velta*
BRIM
-1,45
4
10.283
SVN
-0,64
30
26.881
ICESEA
-0,57
6
5.995
SIMINN
-0,47
13
309.286
VIS
-0,3
5
9.930
Velkomin á Vísi. Þessi vefur notar vafrakökur. Sjá nánar.