Sport

„Flensuleikur“ Jordan hjálpaði Söru einu sinni að vinna CrossFit keppni

Óskar Ófeigur Jónsson skrifar
Michael Jordan og Sara Sigmunds.
Michael Jordan og Sara Sigmunds.

Íslenska CrossFit drottningin Sara Sigmundsdóttir er ein af þeim sem hafa ekki misst af þætti í Michael Jordan heimildarmyndinni „The Last Dance“ sem kláraðist um helgina. Myndin var sýnd í nokkrum þáttum

Sara spurði aðdáendur sínar á Instagram hvort þeir elskuðu ekki „The Last Dance“ þættina eins og hún.

Sara á líka góða sögu frá sínum CrossFit ferli sem tengist þessari hetjulegu frammistöðu Mihcael Jordan á úrslitastundu og á stærsta sviðinu. Hún deildi henni með 1,8 milljón fylgjendum sínum.

Í næstsíðasta þættinum var fjallað sérstaklega um flensuleikinn fræga frá því í lokaúrslitunum 1997 sem Jordan og hans menn skrifa nú á matareitrun. Sá sem bjó til og kom með pizzuna til Jordan er reyndar ekki alveg á sama máli.

Sara skrifaði hins vegar nýjast pistil sinn á Instagram eftir að hafa horft á níunda þáttinn af „The Last Dance“ þar sem farið var yfir kvöldið sem Jordan fékk matareitrun (eða flensu) og tókst samt að skora 38 stig daginn eftir og leiða Chicago Bulls til sigurs.

Sara rifjaði þar upp þegar hún fékk matareitrun þegar hún var að keppa á CrossFit móti í Dúbaí árið 2016.

„Ég fékk matareitrun á degi tvö og þegar það voru tveir dagar eftir af mótinu,“ skrifaði Sara.

„Auðvitað efaðist ég um að ég gæti skilað mínu eða verið nálægt því. Frændi minn (Davíð Hildiberg Aðalsteinsson, fyrrum landsliðsmaður í sund) sendi mér þá myndband með flensuleik Jordan til að færa mér nýja sýn á stöðuna,“ skrifaði Sara.

„Það var ekkert sem gat komið í veg fyrir það að hann spilaði leikinn eða að spilaði til sigurs þrátt fyrir að hann væri svona veikur. Það að sjá hann sýna að þetta væri hægt fékk mig til að trúa því að ég gæti líka haldið áfram og það virkaði,“ skrifaði Sara eins og sjá má hér fyrir neðan.

Það fylgir sögunni að Sara Sigmundsdóttir vann mótið í Dúbaí og hafði þar betur eftir hörkukeppni við Samönthu Briggs. Sara endaði með 1266 stig en Briggs fékk 1221 stig. Anníe Mist Þórisdóttir varð síðan þriðja með 1178 stig.

View this post on Instagram

Who else has been loving The Last Dance? Watching the "flu game" episode gave me a flashback to competing in Dubai in 2016 when I caught food poisoning on day 2 with 2 more days to go. Of course I had doubt that I would be able to perform even close to my ability but my cousin @d.hildiberg sent me a video about MJ s 1997 flu game to give me some perspective. How there was nothing that could stop him from playing the game and putting on a match winning performance even though he was feeling so sick. The fact that he showed that this was possible made me believe that I could too - and it worked To say that I have been motivated by Michael Jordan is an understatement but the insight given into his character, career, talent and performances in these series has me This guy was on another level! _ _ _ #michaeljordan #belikemike #mj #goat #thelastdance #netflix #chicagobulls #flugame #foodpoisoning #dubaicrossfitchampionship2017

A post shared by Sara Sigmundsdóttir (@sarasigmunds) on



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.