Viðskipti innlent

Þurfa ekki að greiða fyrir bíla­tryggingar í maí vegna far­aldursins

Eiður Þór Árnason skrifar
Bílaumferð í mars síðastliðnum var mun minni en árið í fyrra. 
Bílaumferð í mars síðastliðnum var mun minni en árið í fyrra.  vísir/vilhelm

Tryggingafélagið Sjóvá hefur ákveðið að lækka iðgjöld af bifreiðatryggingum einstaklinga með því að fella niður gjalddaga þeirra í maí. 

Mikill samdráttur í umferð bifreiða eftir að samkomubann tók gildi er sögð vera ástæða niðurfellingarinnar, segir í tilkynningu frá félaginu.  

Umferð á höfuðborgarsvæðinu dróst saman um 21 prósent í mars samanborið við sama tíma í fyrra samkvæmt tölum Vegagerðarinnar og hefur Sjóvá séð tjónatilkynningar vegna ökutækja fækka samhliða því.  

Niðurfellingin í maí er sögð ná til um 43 þúsund viðskiptavina Sjóvá og tekur til bæði lögboðinna ökutækjatrygginga og kaskó. Munu viðskiptavinir fá lækkunina sjálfkrafa. 

Fram kemur í tölvupósti til viðskiptavina Sjóvá þar sem þeim er tilkynnt um ákvörðunina að áfram sé gert ráð fyrir því að slysum og tjónum í umferðinni fækki. Lækkunin er sögð verða „í formi niðurfellingar, lækkunar eða endurgreiðslu, eftir því sem við á.“



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ARION
4,05
32
695.314
ORIGO
2,91
13
49.262
REITIR
2,57
13
82.858
TM
2,4
8
288.286
EIK
2,08
3
21.933

Mesta lækkun dagsins


Félag
Br.%
Fjöldi
Velta*
ICEAIR
-4,35
60
17.689
EIM
0
3
8.688
Velkomin á Vísi. Þessi vefur notar vafrakökur. Sjá nánar.