Sport

Sara fær svaka samning í miðjum heimsfaraldri

Óskar Ófeigur Jónsson skrifar
Sara Sigmundsdóttir er nýr sendiherra þýska bílaframleiðandans Volkswagen eins og sjá má á þessari mynd af henni á Instagram síðu Söru.
Sara Sigmundsdóttir er nýr sendiherra þýska bílaframleiðandans Volkswagen eins og sjá má á þessari mynd af henni á Instagram síðu Söru. Mynd/Instagram

Íslenska CrossFit drottningin Sara Sigmundsdóttir hefur verið að gera frábæra hluti síðustu mánuði og nú hefur hún tryggt sér nýjan risa styrktaraðila á þessum sérstaka tíma.

Sara segir frá þessu á Instagram síðu sinni en CrossFit miðillinn Morning Chalkup vekur einnig athygli á þessu á sinni síðu.

Sara er nefnilega nýr alþjóðlegur sendiherra þýska bílaframleiðandans Volkswagen.

Sara vann Filthy 150 CrossFit mótið í Dublin og Dúbaí CrossFit Championship í desember og fylgdi því síðan eftir með því að vinna líka „The Open“ hluta heimsleikanna. Hún varð síðan í öðru sæti í Wodapalooza CrossFit mótinu í Miami þar sem hún veitti heimsmeistaranum Tiu-Clair Toomey mikla keppni en það er langt síðan einhver hefur náð því.

Sara lítur út fyrir að vera nú að nálgast toppinn á sínum CrossFit ferli og fyrir vikið er erfitt að finna öflugri CrossFit konur í heiminum í dag. Samningur Söru við þýska stórfyrirtækið er enn eitt dæmið um það.

„Á sama tíma og íþróttaheimurinn hefur numið staðar og meiri líkur eru á því með hverjum degi að öllu CrossFit tímabilinu verði frestað þá eru stórar fréttir af Söru Sigmundsdóttur. Hún hefur gengið frá nýjum samningi við Volkwagen um að verða nýr sendiherra fyrirtækisins á alþjóðlegum vettvangi fyrir nýju sportbíla fyrirtækisins,“ segir í færslu á síðu Morning Chalkup eins og sjá má hér fyrir neðan.

Hér er líka vitnað í Söru Sigmundsdóttur sjálfa sem tjáir sig um þennan nýja stórmerkilega samning sinn.

„Að skrifa undir þennan samning er ein af stóru tímamótunum á mínum atvinnumannaferli. Þetta hefur verið lengi í bígerð og mig skortir orðin til að lýsa því hversu ánægð og þakklát ég er,“ segir Sara.

Hún heldur líka áfram: „Ég átta mig fullkomlega á því að tímasetningin á þessari tilkynningu kemur þegar mun mikilvægari hlutir eru í gangi í heiminum. Á sama tíma finnst mér að þetta geti líka verið hvatning og vonarneisti til að sýna fólki að hjólin eru áfram að rúlla og fólk er enn að ná samningum,“ segir Sara.

View this post on Instagram

Thankful Thursday goes to signing with Volkswagen R and becoming a global ambassador for the @vwr brand. The Volkswagen R is a brand that embodies so much of what I believe in and stand for. The T-Roc R is a perfect fit for me. Beautiful design combined with immense power Signing this contract is one of the milestone moments in my professional career. It has been a long time coming and I lack the words to describe how happy and grateful I am. I fully realise that the timing of this announcement comes at a time where there are far more important issues going on in the world but at the same time I feel that it can be a source of encouragement and hope to show that wheels are still turning and deals are still being done. Stay safe everyone and don t stop believing _ _ _ #volkswagenR #vwR #trocR #globalambassador #beyondproud

A post shared by Sara Sigmundsdóttir (@sarasigmunds) on




Fleiri fréttir

Sjá meira


×