Réttað yfir innbrotsþjóf

Í vikunni hófust réttarhöld yfir manni sem braust inn til leikonunnar Söndru Bullock.

Það var í júní á síðasta ári sem maðurinn, Joshua James Corbett, braust inn á heimili Bullock í Los Angeles. Spiluð var upptaka frá neyðarlínusímtali Bullock þar sem hún segist vera lokuð inni í skáp í svefnherbergi sínu á bak við öryggishurð.

Að sögn lögreglumanns sem kom á vettvang var Corbett með svarta stílabók með tveggja blaðsíðna bréfi til Bullock þegar hann var handtekinn.

Corbet verður dreginn fyrir dóm þann 23. apríl næstkomandi.