Ingvi Hrafn birtir myndband af því þegar hann fékk væga heilablæðingu

Ingvi Hrafn Jónsson, sjónvarpsstjóri ÍNN, hefur birt myndband af því þegar hann fékk væga heilablæðingu við töku á þætti sínum Hrafnaþingi fimmtudaginn 2. júní síðastliðinn. Myndbandið er hægt að sjá í spilaranum neðst í greininni.

Ingvi Hrafn sagði heilablæðinguna hafa skollið skyndilega á og horfið á þrjátíu mínútum. Hann var fluttur á sjúkrahús en var útskrifaður þaðan á laugardeginum fjórða júní síðastliðinn. Ingvi segist hafa gert sex eða sjö tilraunir til að reyna að byrja þáttinn, en ekki getað komið orðunum frá sér. Taltruflanir ýmis konar eru algengt einkenni heilablóðfalls.

Í gær fékk Ingvi Hrafn prófessor og yfirlækni taugalækningadeildar Landspítalans, dr. Elías Ólafsson, til að útskýra fyrir honum hvað hefði átt sér stað.

Hægt er að sjá þáttinn í heild hér fyrir neðan en innslagið þar sem Ingvi Hrafn fékk væga heilablæðingu hefst þegar ellefu mínútur og 40 sekúndur eru liðnar af myndbandinu.