Starfsmönnum SÞ sleppt

Þremur starfsmönnum Sameinuðu Þjóðanna í Afghanistan, sem rænt var í síðasta mánuði, hefur verið sleppt. Eftir þrjár vikur í haldi mannræningja er fólkið nú á heimleið að lokinni læknisrannsókn. Afgönsk yfirvöld töldu glæpamenn hafa rænt fólkinu og að þeir krefðust lausnargjalds, en ekki er ljóst á þessari stundu hvernig það kom til að fólkinu var sleppt. Bandarískar og afganskar hersveitir réðust inn í nokkur hús í Kabúl í gær og yfirheyrðu fjölda manns, en öllum var sleppt að því loknu. Loks var læknir á sjúkrahúsi Sameinuðu þjóðanna handtekinn, en óljóst er hvort að það hafði áhrif á lausn gíslanna.