Brassar reiðir af því Neymar fór að djamma

Brasilískur knattspyrnuáhugamenn eru reiðir út í landsliðsmanninn Neymar sem þeim finnst ekki vera til fyrirmyndar þessa dagana.

Neymar stóð ekki undir væntingum í 2-2 leiknum gegn Úrúgvæ fyrir páska. Hann nældi sér einnig í gult spjald og er því í banni er Brasilía spilar gegn Paragvæ í nótt.

Í síðustu tíu leikjum hefur Neymar fengið fimm spjöld en aðeins skorað fjögur mörk. Það er ekki tölfræði sem Brassarnir vilja sjá.

Þeir brjáluðust svo er þeir sáu myndir af Neymar á djamminu eftir Úrúgvæ-leikinn. Þeir vildu frekar að hann væri heima hjá sér að skammast sín.