„Þýðir lítið að bíða með hendur í skauti eftir að einhver komi færandi hendi með krónur til launafólks“ Sunna Kristín Hilmarsdóttir skrifar 1. maí 2019 09:54 Ragnar Þór Ingólfsson, formaður VR, sést hér við undirritun kjarasamninga þann 3. apríl síðastliðinn. vísir/vilhelm Ragnar Þór Ingólfsson, formaður VR, segir nýgerða samninga allt í senn málamiðlun, vopnahlé og viðunandi niðurstöðu miðað við aðstæður. Vinnunni sé langt því frá lokið og nú hefjist í raun hin eiginlega vinna við að fylgja eftir þeim málum sem samið var um fyrir tæpum mánuði síðan. Þetta kemur fram í grein Ragnars á vef VR í tilefni af verkalýðsdeginum, 1. maí, sem haldinn er hátíðlegur um land allt í dag. Í grein sinni leggur Ragnar áherslu á að baráttunni ljúki aldrei enda sé hún þannig í eðli sínu að hún eigi sér engan endi þótt endamark sé til staðar. Ragnar segir að nýsamþykktir kjarasamningar hafi verið gríðarlega flóknir og umfangsmiklir. VR hafi lagt áherslu á að tryggja kaupmáttaraukningu á báðum endum, það er að segja lækka kostnað og hækka laun. Þetta verði meðal annars gert með skattkerfisbreytingum, lækkun vaxta, stórátaki í húsnæðismálum og aðgerðum gegn verðtryggingu neytendalána ásamt öðrum aðgerðum sem hafa það að markmiði að auka félagslegan stöðugleika og jöfnuð. Frá alþjóðlegum baráttudegi verkalýðsins í fyrra.Fréttablaðið/Vilhelm Ekkert verður gefið eftir og vanefndum svarað af fullri hörku „En þetta gerist ekki af sjálfu sér, svo mikið er víst. Reynslan hefur kennt okkur að það þýðir lítið að bíða með hendur í skauti eftir að einhver komi færandi hendi með krónur til launafólks. Það mun ekki gerast frekar en fyrri daginn. Ef einhver heldur að nú sé vinnan búinn og verkalýðsforingjar, stjórnir og starfsfólk geti hallað sér aftur í sófanum og sett tærnar upp í loft næstu þrjú árin þá er það mikill misskilningur. Nú hefst hin eiginlega vinna. Vinna við að fylgja eftir þeim fjölmörgu málum sem samið var um til að bæta hér lífskjör til skemmri og lengri tíma. Vinna þar sem ekkert verður gefið eftir og þar sem vanefndum verður svarað af fullri hörku. Þar sem fyrirtækjum sem hunsa vegferð okkar með verðhækkunum verða sniðgengin. Þar sem þeim sem koma með okkur verður hrósað. Verkefnið er af ógnvænlegri stærðargráðu og eru nýgerðir kjarasamningar aðeins rétt byrjunin í þessari vegferð,“ segir Ragnar í grein sinni og bætir við að þátttaka og stéttarvitund félagsmanna sé lykillinn að árangri til framtíðar. „Uppgjöf okkar er sigur þeirra sem fá ríkulega borgað fyrir að segja okkur að bætt lífskjör og aukinn jöfnuður séu skaðleg hagkerfinu sem er sniðið utan um þröngan hóp forréttindastétta,“ segir Ragnar en grein hans má lesa í heild sinni á vef VR. Halldór Benjamín Þorbergsson, framkvæmdastjóri SA, og Drífa Snædal, forseti ASÍ, í Karphúsinu þegar kjarasamningar voru undirritaðir.vísir/vilhelm Ekki barátta einstakra hópa fyrir betri kjörum heldur fyrir betra samfélagi Drífa Snædal, forseti ASÍ, leggur út af jöfnuði í ávarpi sínu í tilefni 1. maí. Hún segir baráttu verkalýðshreyfingarinnar ekki vera baráttu einstakra hópa fyrir betri kjörum heldur barátta fyrir betra samfélagi því samfélög þar sem jöfnuður er mikill séu undantekningalaust betri samfélög en þau þar sem ójöfnuður er ríkjandi. Þá gerir hún einnig tilraunir til þess að grafa undan lýðræðinu að umtalsefni og segir mikilvægt að hrinda þeim: „Misrétti hefur aukist til muna síðustu áratugi. Framleiðni í heiminum hefur þrefaldast á síðustu 20 árum en þessi auður hefur ekki skilað sér til vinnandi fólks í gegnum laun eða bætta innviði. Þvert á móti hafa möguleikar til auðsöfnunar og skattaundanskota aukist hjá fáum ofur ríkum einstaklingum og stórfyrirtækjum. Fólk, þjóðir og samfélög sem farið hafa halloka kenna stjórnmálunum eðlilega um sem hefur leitt til þess að traust til stjórnmálamanna fer stöðugt minnkandi. Það sem verra er; traust til lýðræðis fer þverrandi. Einhverjir sjá sér hag í því að grafa undan trú fólks á lýðræðinu og jafnvel að ala á andúð gagnvart minnihlutahópum. Það er gömul saga og ný að til að ná völdum er minnihlutahópum stundum att saman, eins og til dæmis öryrkjum og innflytjendum eða láglaunafólki og eldri borgurum. Það er nauðsynlegt fyrir lýðræði og mannréttindi að við látum ekki glepjast af slíkum tilraunum. Baráttan hlýtur alltaf að snúast um að auðnum sé skipt með sanngjörnum hætti og að stórfyrirtæki og auðmenn greiði sinn sanngjarna skerf til samfélagsins,“ segir Drífa. Frá verkfallsaðgerðum Eflingar í mars.vísir/vilhelm Aðferðafræði ASÍ vakið athygli út fyrir landsteinana Í þeim kjaraviðræðum sem lauk með samningum í byrjun apríl lagði ASÍ mikla áherslu á aðkomu stjórnvalda, meðal annars í gegnum skattkerfið. Drífa segir að þessi aðferðafræði hafi vakið athygli út fyrir landsteinana: „Sú áhersla sem Alþýðusambandið og aðildarfélög þess hafa lagt á að breyta samfélaginu í gegnum skatta og önnur stjórnvaldstæki hefur vakið athygli út fyrir landssteinana. Þegar verkalýðshreyfingin allt í kringum okkur berst í bökkum og háir varnarbaráttu fyrir áunnum réttindum þá sækjum við fram með miklar kröfur á stjórnvöld um jafnara og betra samfélag fyrir alla. Í aðdraganda kjarasamninga fáum við að heyra að lægstu laun séu há hér á landi í samanburði við önnur lönd og jöfnuður hvergi meiri. Gott og vel, en önnur lönd eiga ekki endilega að vera viðmiðið heldur það sem okkur sjálfum þykir sanngjarnt og réttlátt. Við erum því í forystu annarra landa um þessar mundir og bræður okkar og systur um heim allan fylgjast með.“ Ávarp forseta ASÍ á 1. maí má lesa í heild sinni á vef sambandsins þar sem einnig má nálgast dagskrána á verkalýðsdaginn um land allt. Kjaramál Verkalýðsdagurinn Mest lesið Bað um 12 milljónir til að halda tónlistarhátíð í öðru sveitarfélagi Innlent Segja ógnarstjórn ríkja á Þjóðminjasafninu Innlent Telja manninn hafa örmagnast við sjósundsæfingar Innlent Reknir fyrir að vinna ekki nógu mikið Innlent Kærir Costner fyrir „ofbeldisfulla óundirbúna“ nauðgunarsenu Erlent „Yndisleg kvöldstund í þessum þunga harmi okkar“ Innlent Gert að finna aðra staðsetningu fyrir hjólhýsabyggðina Innlent „Okkur langar að börnin okkar fái öruggan stað til að vera á“ Innlent Gömul strætóskýli verði nýtt sem „byttebox“ Innlent Vestræn ríki niðurgreiða stríðsrekstur Rússa í Úkraínu Erlent Fleiri fréttir „Ég vara mjög við því að menn beiti þessu úrræði“ „Verið að búa til óseðjandi kerfi þar sem bátum mun fjölga“ Eldur kviknaði í vörubíl á Reykjanesbraut Bað um 12 milljónir til að halda tónlistarhátíð í öðru sveitarfélagi „Yndisleg kvöldstund í þessum þunga harmi okkar“ Leit hefst á ný eftir hádegi Klúðursleg rannsókn lögreglu leiddi til sýknu skipstjóra Reknir fyrir að vinna ekki nógu mikið Færa boðuð gagnmótmæli gegn rasisma vegna ofbeldisógnar Telja manninn hafa örmagnast við sjósundsæfingar Gömul strætóskýli verði nýtt sem „byttebox“ Segja ógnarstjórn ríkja á Þjóðminjasafninu Gert að finna aðra staðsetningu fyrir hjólhýsabyggðina Sofandi á byggingarsvæðinu og „í vandræðum með vin sinn“ „Okkur langar að börnin okkar fái öruggan stað til að vera á“ Utanríkisráðherra Breta á Íslandi: „Gleður mig að Ísland vill vera með í bandalagi viljugra þjóða“ Biblíur og Kjarval sameinast í Vestmannaeyjum Tapaði 20 milljónum á svipstundu við að samþykkja beiðni Sjaldséð heimsókn utanríkisráðherra og háar upphæðir sem hverfa Ætla ekki að minnka leyfilegan dagsafla Leitinni að sundmanninum lokið að sinni „Arfavitlaus lausn“ að minnka aflann í hverri veiðiferð Barn fórst í Hvítá í gær Drengurinn er kominn í leitirnar Gróf slagsmál foreldra á fótboltamóti barna reyndust plat Ómetanlegt að koma skilaboðum sinnar kynslóðar á framfæri á svo stórum viðburði Segir ráðgjöf Hafró kippt úr sambandi og „gúmmítékki“ sendur á næstu ríkisstjórn Svæðið sem Veitur vilja girða „óþarflega stórt“ Enn unnið að því að ná dráttarvélinni upp eftir alvarlegt slys í Hvítá Strandveiðifrumvarp „með ólíkindum“ og drama í borðtennisheiminum Sjá meira
Ragnar Þór Ingólfsson, formaður VR, segir nýgerða samninga allt í senn málamiðlun, vopnahlé og viðunandi niðurstöðu miðað við aðstæður. Vinnunni sé langt því frá lokið og nú hefjist í raun hin eiginlega vinna við að fylgja eftir þeim málum sem samið var um fyrir tæpum mánuði síðan. Þetta kemur fram í grein Ragnars á vef VR í tilefni af verkalýðsdeginum, 1. maí, sem haldinn er hátíðlegur um land allt í dag. Í grein sinni leggur Ragnar áherslu á að baráttunni ljúki aldrei enda sé hún þannig í eðli sínu að hún eigi sér engan endi þótt endamark sé til staðar. Ragnar segir að nýsamþykktir kjarasamningar hafi verið gríðarlega flóknir og umfangsmiklir. VR hafi lagt áherslu á að tryggja kaupmáttaraukningu á báðum endum, það er að segja lækka kostnað og hækka laun. Þetta verði meðal annars gert með skattkerfisbreytingum, lækkun vaxta, stórátaki í húsnæðismálum og aðgerðum gegn verðtryggingu neytendalána ásamt öðrum aðgerðum sem hafa það að markmiði að auka félagslegan stöðugleika og jöfnuð. Frá alþjóðlegum baráttudegi verkalýðsins í fyrra.Fréttablaðið/Vilhelm Ekkert verður gefið eftir og vanefndum svarað af fullri hörku „En þetta gerist ekki af sjálfu sér, svo mikið er víst. Reynslan hefur kennt okkur að það þýðir lítið að bíða með hendur í skauti eftir að einhver komi færandi hendi með krónur til launafólks. Það mun ekki gerast frekar en fyrri daginn. Ef einhver heldur að nú sé vinnan búinn og verkalýðsforingjar, stjórnir og starfsfólk geti hallað sér aftur í sófanum og sett tærnar upp í loft næstu þrjú árin þá er það mikill misskilningur. Nú hefst hin eiginlega vinna. Vinna við að fylgja eftir þeim fjölmörgu málum sem samið var um til að bæta hér lífskjör til skemmri og lengri tíma. Vinna þar sem ekkert verður gefið eftir og þar sem vanefndum verður svarað af fullri hörku. Þar sem fyrirtækjum sem hunsa vegferð okkar með verðhækkunum verða sniðgengin. Þar sem þeim sem koma með okkur verður hrósað. Verkefnið er af ógnvænlegri stærðargráðu og eru nýgerðir kjarasamningar aðeins rétt byrjunin í þessari vegferð,“ segir Ragnar í grein sinni og bætir við að þátttaka og stéttarvitund félagsmanna sé lykillinn að árangri til framtíðar. „Uppgjöf okkar er sigur þeirra sem fá ríkulega borgað fyrir að segja okkur að bætt lífskjör og aukinn jöfnuður séu skaðleg hagkerfinu sem er sniðið utan um þröngan hóp forréttindastétta,“ segir Ragnar en grein hans má lesa í heild sinni á vef VR. Halldór Benjamín Þorbergsson, framkvæmdastjóri SA, og Drífa Snædal, forseti ASÍ, í Karphúsinu þegar kjarasamningar voru undirritaðir.vísir/vilhelm Ekki barátta einstakra hópa fyrir betri kjörum heldur fyrir betra samfélagi Drífa Snædal, forseti ASÍ, leggur út af jöfnuði í ávarpi sínu í tilefni 1. maí. Hún segir baráttu verkalýðshreyfingarinnar ekki vera baráttu einstakra hópa fyrir betri kjörum heldur barátta fyrir betra samfélagi því samfélög þar sem jöfnuður er mikill séu undantekningalaust betri samfélög en þau þar sem ójöfnuður er ríkjandi. Þá gerir hún einnig tilraunir til þess að grafa undan lýðræðinu að umtalsefni og segir mikilvægt að hrinda þeim: „Misrétti hefur aukist til muna síðustu áratugi. Framleiðni í heiminum hefur þrefaldast á síðustu 20 árum en þessi auður hefur ekki skilað sér til vinnandi fólks í gegnum laun eða bætta innviði. Þvert á móti hafa möguleikar til auðsöfnunar og skattaundanskota aukist hjá fáum ofur ríkum einstaklingum og stórfyrirtækjum. Fólk, þjóðir og samfélög sem farið hafa halloka kenna stjórnmálunum eðlilega um sem hefur leitt til þess að traust til stjórnmálamanna fer stöðugt minnkandi. Það sem verra er; traust til lýðræðis fer þverrandi. Einhverjir sjá sér hag í því að grafa undan trú fólks á lýðræðinu og jafnvel að ala á andúð gagnvart minnihlutahópum. Það er gömul saga og ný að til að ná völdum er minnihlutahópum stundum att saman, eins og til dæmis öryrkjum og innflytjendum eða láglaunafólki og eldri borgurum. Það er nauðsynlegt fyrir lýðræði og mannréttindi að við látum ekki glepjast af slíkum tilraunum. Baráttan hlýtur alltaf að snúast um að auðnum sé skipt með sanngjörnum hætti og að stórfyrirtæki og auðmenn greiði sinn sanngjarna skerf til samfélagsins,“ segir Drífa. Frá verkfallsaðgerðum Eflingar í mars.vísir/vilhelm Aðferðafræði ASÍ vakið athygli út fyrir landsteinana Í þeim kjaraviðræðum sem lauk með samningum í byrjun apríl lagði ASÍ mikla áherslu á aðkomu stjórnvalda, meðal annars í gegnum skattkerfið. Drífa segir að þessi aðferðafræði hafi vakið athygli út fyrir landsteinana: „Sú áhersla sem Alþýðusambandið og aðildarfélög þess hafa lagt á að breyta samfélaginu í gegnum skatta og önnur stjórnvaldstæki hefur vakið athygli út fyrir landssteinana. Þegar verkalýðshreyfingin allt í kringum okkur berst í bökkum og háir varnarbaráttu fyrir áunnum réttindum þá sækjum við fram með miklar kröfur á stjórnvöld um jafnara og betra samfélag fyrir alla. Í aðdraganda kjarasamninga fáum við að heyra að lægstu laun séu há hér á landi í samanburði við önnur lönd og jöfnuður hvergi meiri. Gott og vel, en önnur lönd eiga ekki endilega að vera viðmiðið heldur það sem okkur sjálfum þykir sanngjarnt og réttlátt. Við erum því í forystu annarra landa um þessar mundir og bræður okkar og systur um heim allan fylgjast með.“ Ávarp forseta ASÍ á 1. maí má lesa í heild sinni á vef sambandsins þar sem einnig má nálgast dagskrána á verkalýðsdaginn um land allt.
Kjaramál Verkalýðsdagurinn Mest lesið Bað um 12 milljónir til að halda tónlistarhátíð í öðru sveitarfélagi Innlent Segja ógnarstjórn ríkja á Þjóðminjasafninu Innlent Telja manninn hafa örmagnast við sjósundsæfingar Innlent Reknir fyrir að vinna ekki nógu mikið Innlent Kærir Costner fyrir „ofbeldisfulla óundirbúna“ nauðgunarsenu Erlent „Yndisleg kvöldstund í þessum þunga harmi okkar“ Innlent Gert að finna aðra staðsetningu fyrir hjólhýsabyggðina Innlent „Okkur langar að börnin okkar fái öruggan stað til að vera á“ Innlent Gömul strætóskýli verði nýtt sem „byttebox“ Innlent Vestræn ríki niðurgreiða stríðsrekstur Rússa í Úkraínu Erlent Fleiri fréttir „Ég vara mjög við því að menn beiti þessu úrræði“ „Verið að búa til óseðjandi kerfi þar sem bátum mun fjölga“ Eldur kviknaði í vörubíl á Reykjanesbraut Bað um 12 milljónir til að halda tónlistarhátíð í öðru sveitarfélagi „Yndisleg kvöldstund í þessum þunga harmi okkar“ Leit hefst á ný eftir hádegi Klúðursleg rannsókn lögreglu leiddi til sýknu skipstjóra Reknir fyrir að vinna ekki nógu mikið Færa boðuð gagnmótmæli gegn rasisma vegna ofbeldisógnar Telja manninn hafa örmagnast við sjósundsæfingar Gömul strætóskýli verði nýtt sem „byttebox“ Segja ógnarstjórn ríkja á Þjóðminjasafninu Gert að finna aðra staðsetningu fyrir hjólhýsabyggðina Sofandi á byggingarsvæðinu og „í vandræðum með vin sinn“ „Okkur langar að börnin okkar fái öruggan stað til að vera á“ Utanríkisráðherra Breta á Íslandi: „Gleður mig að Ísland vill vera með í bandalagi viljugra þjóða“ Biblíur og Kjarval sameinast í Vestmannaeyjum Tapaði 20 milljónum á svipstundu við að samþykkja beiðni Sjaldséð heimsókn utanríkisráðherra og háar upphæðir sem hverfa Ætla ekki að minnka leyfilegan dagsafla Leitinni að sundmanninum lokið að sinni „Arfavitlaus lausn“ að minnka aflann í hverri veiðiferð Barn fórst í Hvítá í gær Drengurinn er kominn í leitirnar Gróf slagsmál foreldra á fótboltamóti barna reyndust plat Ómetanlegt að koma skilaboðum sinnar kynslóðar á framfæri á svo stórum viðburði Segir ráðgjöf Hafró kippt úr sambandi og „gúmmítékki“ sendur á næstu ríkisstjórn Svæðið sem Veitur vilja girða „óþarflega stórt“ Enn unnið að því að ná dráttarvélinni upp eftir alvarlegt slys í Hvítá Strandveiðifrumvarp „með ólíkindum“ og drama í borðtennisheiminum Sjá meira
Utanríkisráðherra Breta á Íslandi: „Gleður mig að Ísland vill vera með í bandalagi viljugra þjóða“