Fyrr í vikunni sagði goðsögnin Troy Aikman, fyrrum leikstjórnandi Dallas Cowboys, að sér væri hreinlega óglatt yfir þessari dómgæslu. Það væri flautað á allt í dag.
Brady var að horfa á leik Jaguars og Titans í nótt en fékk á endanum nóg og slökkti á tækinu.
Too many penalties. Just let us play!!!! #TENvsJAC
— Tom Brady (@TomBrady) September 20, 2019
I’m turning off this game I can’t watch these ridiculous penalties anymore #TENvsJAC
— Tom Brady (@TomBrady) September 20, 2019
Það voru dæmd fimmtán víti í fyrri hálfleik en aðeins fimm í þeim seinni. Þá voru flestir búnir að fá nóg.
Dómarar dæma miklu meira á leikmenn fyrir að halda ólöglega en aukningin er 66 prósent milli ára í þeim dómum. Í heildina er verið að dæma 16 prósent fleiri víti á fyrstu tveimur vikunum nú en í fyrra.