Frá Kolibri til Aton.JL

Benedikt Hauksson hefur verið ráðinn til samskiptafélagsins Aton.JL sem ráðgjafi.

Þetta kemur fram í tilkynningu frá félaginu. Hann hefur að undanförnu starfað hjá Kolibri þar sem hann starfaði sem teymisþjálfari og stafrænn ráðgjafi.

„Hann hefur einnig starfað sem viðskiptastjóri hjá auglýsingastofunni Brandenburg og hönnunarstofunni Döðlum. Benedikt starfaði um árabil í London sem markaðsráðgjafi á stafrænu markaðsstofunni Isobar þar sem hann vann meðal annars að stafrænni stefnumótun fyrir fyrirtæki á borð við Adidas, Budweiser, Kellogg's, Royal Bank of Scotland og Toyota.

Árið 2017 útskrifaðist Benedikt frá Hyper Island í Stokkhólmi með meistaragráðu í stafrænni stjórnun. Hann er sömuleiðis með BA gráðu í auglýsinga- og markaðsfræði frá University of the Arts í London,“ segir í tilkynningunni.