„Mín kynslóð var ótrúlega hómófóbísk“

Graeme Souness, fyrrverandi leikmaður og knattspyrnustjóri Liverpool, segir að sín kynslóð hafi verið mjög fordómafull í garð samkynhneigðra.

Í síðustu tveimur umferðum ensku úrvalsdeildarinnar hafa fyrirliðar liðanna borið band í regnbogalitum. Þetta er hluti af herferðinni „Regnbogareimarnar“. Henni er ætlað að hjálpa hinsegin fólki að finnast það vera hluti af íþróttum.

Souness var álitsgjafi á Sky Sports í gær þar sem hann ræddi m.a. af hverju enginn fótboltamaður hefði enn komið út úr skápnum.

„Leikmannasamtökin og enska úrvalsdeildin þurfa að líta í eigin barm. Af hverju hefur enginn komið út úr skápnum? Fótboltinn hefur ekki búið til umhverfi gerir fólki kleift að koma út úr skápnum. Það hljóta að vera hinsegin leikmenn í ensku úrvalsdeildinni,“ sagði Souness.

„Mín kynslóð var ótrúlega hómófóbísk. Húmorinn í búningsklefanum var þess eðlis. Fyrir níu mánuðum tók ég þátt í gleðigöngu í Brighton. Það var upplýsandi, ég lærði svo mikið og það breytti lífi mínu. Þetta var frábær dagur og ég lærði mikið.“

"I went to Brighton Pride and it was enlightening. We have to create an environment where they feel comfortable." @MattMurray20 and Graeme Souness discuss the lack of openly gay players in the @premierleague.

More: https://t.co/XhJ44xA2qt#RainbowLacespic.twitter.com/5z76yt57ad

— Sky Sports (@SkySports) December 8, 2019

Souness fékk mikið hrós á samfélagsmiðlum fyrir ummæli sín en hann þótt sýna á sér aðra hlið en venjulega.